| e-texts navigator |
| བོད་ཡིག |
29b1 dgu bcu rtsa drug dang / tshigs su bcad pa bzhi bcu rtsa lnga la yang de bzhin du rgyas par sbyar ro/ /de nas de'i tshe bcom ldan 'das kyis dge slong rnams la bka' stsal pa/ dge slong khyed lha dang mi rnams ltar byis pa'i smre sngags 'don pa dag ma byed par brtson
29b2 'grus rtsoms shig / de nas lha dang / lha ma yin dang / mi rnams kyis bcom ldan 'das kyi gsung blo gros dang ldan pa dang / de kho na nyid du 'gro ba thos nas ji ltar bu gcig pa shi nas dur khrod du bor ba bzhin du de dag sdug bsngal bar gyur to/ /
29b3 de nas bcom ldan 'das kyis de dag la tshigs su bcad de bka' stsal pa/ khyed rnams nges par bde gyur cig /mya ngan ma byed ma ngu shig /'di ni sangs rgyas rnams kyi chos/ /thams cad mi smra 'khod par gyis/ /bag med par ni ma
29b4 gnas par/ /bag yod pa la dga' bar gyis/ /khyed stong pa dang stong pa ma yin pa 'am/ rtag pa dang mi rtag pa 'am/ skyabs dang skyabs ma yin pa 'am/ 'gro ba dang mi 'gro ba 'am/ rten dang rten ma yin pa 'am/ ther zug dang ther zug
29b5 ma yin pa 'am/ brtan pa dang brtan pa ma yin pa 'am/ sems can dang sems can med pa 'am/ yang dag pa dang yang dag pa ma yin pa 'am/ bden pa dang bden pa ma yin pa 'am/ mya ngan las 'das pa dang mya ngan las 'das pa ma yin pa 'am/
29b6 gsang ba dang gsang ba ma yin pa 'am/ gnyis dang gnyis su med pa 'am/ de bzhin du chos rnam pa du ma dag la som nyi 'am/ yid gnyis sam/ the tshom za ba ci dang ci yod pa de dang de dag nga la zhus shig dang thams cad gcad par bya'o/ /bdud
29b7 rtsi'i mchog kyang khyed la bstan par bya ste/ de'i 'og tu yongs su mya ngan las 'da' bar bya'o/ /dge slong dag sangs rgyas 'byung ba rnyed par dka'o/ /mi'i lus thob pa rnyed par dka'o/ /dal ba phun sum tshogs pa rnyed par dka'o/ /bzod pa dang
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo