rKTs

e-texts navigator

Volume

Page

28b₁ sa gzhi rab tu g.yos shing phyogs kyang 'chol/ /rgya mtsho chen po dag kyang rnam par 'khrugs/ /bdag cag kun kyang sdug cing bsngal bar gyur/ /drang srong chen po deng khyod mya ngan las/ /'das na nyi ma'ang sa la ltung yang dag /rgya mtsho chen
28b₂ po dag kyang skam par 'gyur/ /bdag cag kun kyang deng du 'gum lags grang / /ji ltar stobs ldan mis ni sgo gseb nas/ /glang chen khyer te nang du 'dzul bgyid na/ /shin tu nyon mongs 'gyur ba de bzhin du/ /bdag cag thams cad rab tu nyon
28b₃ mongs gyur/ /ji ltar bu gcig 'gum par mi 'tshal zhing / /mya ngan khyod 'da' bdag cag de mi 'tshal/ /gal te khyod ni mya ngan 'da' ba las/ /mi gzhes bdag cag thams cad phongs par 'gyur/ /khyod ni mya ngan 'das lam gshegs mthong
28b₄ bas/ /dud 'gro mang po'ang g.yar ngan cher bgyid na/ /bdag cag ji ltar g.yar ngan mi 'tshal lags/ /bdag cag mchil ma bzhin du ma dor cig /nyi ma 'char kar rang gi 'od gsal bas/ /mun nag rnam par bcom pa de bzhin du/ /
28b₅ 'phrul can khyod kyis sdug bsngal mun bsal te/ /dge 'dun dbus su ri rab bzhin du bzhugs/ /bcom ldan 'das dper gsol na/ rgyal po la la zhig gi bu sdug cing phangs pa zhig mchis la/ des de chos lugs kyi bstan bcos bslabs nas/
28b₆ 'di sod cig ces bka' stsal pa de bzhin du bdag cag bcom ldan 'das dam pa'i chos kyi 'khor los sgyur ba'i sras rnams kyang yang dag pa'i lta ba bskyed nas bkum gyis ma mchis na/ bcom ldan 'das rgyal po'i bu ji bzhin du bdag cag mi 'gum par
28b₇ bcom ldan 'das de'i slad du yun ring du bzhugs su gsol/ ji ltar la la zhig gzhung gis rtsod pa'i bstan bcos la bsten pa na skrag par 'gyur ba de bzhin du khyod kyis skrag par ma mdzad cig /de kho na nyid mkhyen bzhin du bdag cag sems can dmyal

_{iiif viewer powered by OpenSeadragon}

28a - 29a

Texts on this page