| e-texts navigator |
| བོད་ཡིག |
27b1 ni de bzhin du mjal lags na ha cang sdug bsngal chen po mi bzod lags so/ /bcom ldan 'das thabs kyis yongs su mya ngan las 'da' bar mdzad pa la ni bdag glo ba rangs lags so/ /bcom ldan 'das kyis bka' stsal pa/ skul byed
27b2 legs so legs so/ /rigs kyi bus ni nga'i mya ngan las 'das pa thabs de ltar blta bar bya'o/ /skul byed sangs rgyas gshegs pa ni bya bzhad gzas la 'gro ba lta bur shes par gyis shig /skul byed tshe ring ba dang tshe ring ba ma yin pa'i
27b3 rtags shes par gyis shig / skul byed chos thams cad ni sgyu ma'i chos can no/ /de bzhin gshegs pa ni chos thams cad la thabs kyi chos can yin la/ de rnams kyis kyang gos par mi 'gyur ba de ni sangs rgyas bcom ldan 'das rnams kyi
27b4 rang bzhin no/ /skul byed khyod srid pa'i rgya mtsho las nges par rgal bar bya ba'i phyir zhal zas smyur te 'on cig /lha dang lha ma yin dang mi rnams kyis kyang nga la rang rang gi mchod pa byas nas mi g.yo ba'i bde ba thob par gyur cig /khyod kyis kyang snod du
27b5 gyur pa la dus su sbyin pa gyis shig / ma thogs shig /snod du gyur pa dang nga dang de bzhin gshegs pa zhes bya ba ni don tha dad pa ma yin no/ /de nas skul byed kyis kyang sems can thams cad nges par bsgral ba'i phyir mgo smad de mchi ma blags
27b6 nas gsol pa/ legs lags so/ /legs lags so/ /bcom ldan 'das kyis ji skad bka' stsal pa de bzhin du bdag gis bgyi'o/ /de bzhin gshegs pa yongs su mya ngan las 'das pa'i 'og tu ji ltar blta ba de ni bdag cag sbrang bu dang
27b7 'dra ba rnams kyi yul yang ma lags/ nyan thos dang rang sangs rgyas kyi yul yang ma lags so zhes gsol to/ /de nas mya ngan byed cing ngu bzhin du g.yog 'khor dang bcas pas bcom ldan 'das la bskor ba byas te mchod pa chen po'i las byas nas bcom
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo