| e-texts navigator |
| བོད་ཡིག |
26b1 lta bu'i byams pa dang ldan pa ma yin gyi/ sems can thams cad la yang sgra gcan zin dang 'dra bar gzigs te/ sangs rgyas kyi shes rab kyi yul ni de lta bu yin no/ /btsun pa 'jam dpal dper na rta cang shes dang sbyar ba'i shing rta rgyug pa'i zla
26b2 la bong bu'i shing rta rgyug pa mi srid pa de bzhin du/ 'u bu cag bong bu'i shing rta dang 'dra ba dag gis de bzhin gshegs pa'i shes rab dang 'dra ba dang / dgongs pa'i tshig dang mnyam du 'gro bar nus re skan/ dper na nam mkha' lding dpag tshad du mar 'gro
26b3 ba nam mkha' la gnas pas chu'i nang na nya dang ru sbal 'khod pa rnams me long gi ngos la rang gi gzugs brnyan snang ba bzhin du gsal bar mthong yang / byis pa rnams kyis ni mig mi gsal ba'i phyir de'i mig gi rtsal brjod par mi nus pa de bzhin du
26b4 de bzhin gshegs pa'i yang de rang 'dra'o/ /'jam dpal gyis smras pa/ skul byed de ni de bzhin te/ bdag gis ni byang chub sems dpa' rnams kyi che ba nyid gleng ba'i phyir de skad du brgal bar zad do/ /de nas de'i tshe bcom ldan 'das kyi zhal
26b5 nas 'od zer rnam pa sna tshogs bkye nas/ de dag gis 'jam dpal gzhon nur gyur pa'i lus la phog go /de nas 'jam dpal gyis de rtogs nas mgar ba'i bu skul byed la smras pa/ skul byed/ de bzhin gshegs pa yongs su mya ngan las
26b6 'da' bar / dus su bcom ldan 'das la bshos 'drim du chug shig /ma thogs shig /rgyu med par bcom ldan 'das kyi zhal nas 'od zer rnams 'byung bar mi 'gyur ro/ /de nas skul byed cang mi zer bar 'dug go/ /de nas bcom ldan
26b7 'das kyis skul byed la 'di skad ces bka' stsal to/ /skul byed nga yongs su mya ngan las 'da' bar 'gror nges/ dge slong gi dge 'dun la dus su zas 'drim du chug shig ces lan gnyis lan gsum du bka' stsal to/ /de nas skul byed kyis 'di skad
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo