rKTs

e-texts navigator

Volume

Page

24b₁ phyug cing nor mang ba'i rigs su skye ba blangs la tshe thung bar 'gyur ba zhig ste/ de skar mkhan dag gis mthong nas khye'u 'di ni tshe thung ngo zhes bstan te/ de'i pha mas de skad thos na 'di ni bdag cag gi khyim du phan par 'gyur ba ma yin no snyam nas/ grangs su
24b₂ yang mi rtsi zhing de la byams par mi byed do/ /de ltar skyes pa 'am/ bud med dam/ lha 'am/ tshangs pa yang rung ste/ gang tshe thung ba de la khyad du gsod par gyur na/ gal te de bzhin gshegs pa chos 'ba' zhig la yang dag par gzhol ba nyid 'du
24b₃ byed du gyur du zin na 'jig rten thams cad kyis brnyas par 'gyur ro/ /chos thams cad kyi nang na ni phyir ltung ba med cing zad pa med pa la thar pa zhes bshad na/ gal te de ltar gyur na don med par gyur gyis/ btsun pa 'jam dpal de bzhin gshegs pa
24b₄ 'du byed du gyur ces de skad du ma gsung shig / dper na bud med gzhon nu dbul mo/ bkren ma/ mgon med pa/ nad kyis thebs pa/ bar ma dor sdug bsngal bar gyur pa/ sbrum pas nyen pa zhig mgon med pa khang pa zhig tu song ba las/ bu mo de bu byung
24b₅ nas/ de na snga nas gnas pa gzhan dag gis de de'i nang nas bskrad de/ nyon mongs ma de bu btsas ma thag tu byis pa kha dmar khyer nas lo legs pa'i yul zhig tu chas te song ba las/ lam du sha sbrang dang / sbrang bu dang / rlung dang / nyi tshan dang / sdig
24b₆ sbrul gyi gnod pas nyen par gyur te/ gang gA'i klung chen po rgal bar 'dod pa las de rgal bar ma nus so/ /khye'u de khyer bzhin du gang gA'i nang du shi nas/ de bu de la byams pa'i bsod nams kyi khyad par gyis lus dang bral te shi ba'i 'og tu tshangs pa'i
24b₇ 'jig rten du skyes te/ byams pa'i bsod nams kyi khyad par ji lta bu zhig gis skyes zhe na/ bdag ni shi yang bla'i khye'u 'di nye zho med par thar bar bya'o snyam pa'i bsod nams kyi khyad par gyis skyes pa de bzhin du/ btsun pa 'jam dpal skyes bu dam pa dam

_{iiif viewer powered by OpenSeadragon}

24a - 25a

Texts on this page