| e-texts navigator |
| བོད་ཡིག |
23a1 'byin par byed/ /'jig rten kun na rtag pa ci yang med/ /dbang phyug mi rtag tshe yang mi rtag ste/ /skye bo sdug bsngal 'khor lor rtag tu 'khor/ /'jig rten gsum na brtan po ci yang med/ /srid pa dag na 'gro kun srog tu 'dug /
23a2 srid pa 'jig pa'i chos can rab g.yo ba/ /'di dag na ni bde ba ci yang med/ /rga dang 'chi dang nad dang rgud rnams kyi/ /'jigs pas rtag tu kun nas gtse bar byed/ /srid pa mtha' med mi brtan snying po med/ /thams cad dgra dang 'khu bar shes par
23a3 gyis/ /de na 'khor zhing nyon mongs dra ba yis/ /'jig rten dkris te dar gyi srin bu bzhin/ /'jig rten dag na ther zug gnod pa'i gzhi/ /rtag tu 'bras ltar sdug bsngal 'brel pa gang / /mi gtsang lus dang 'dod pa de dag la/ /phan 'dod sdug bsngal
23a4 bsal 'dod su zhig dga'/ /mi rtag 'dod pa rnams la chags pa med/ /tshul bzhin rtog pas 'dod chags 'bral bar 'gyur/ /de nas yang dag mthong na 'dod chags 'bral/ /de dag spangs bcad grol ba nyid du 'gyur/ /nga ni srid pa'i chu chen legs
23a5 par rgal/ /nga ni sdug bsngal rnams 'das bde bar zhugs/ /de phyir ngas ni mtha' yas spros med pa/ /chags pa kun bsal thar pa thob par gyur/ /nga la rga dang na dang 'chi ba med/ /nga la rtag tu tshe yang zad pa med/ /nga ni me ltar 'bar te 'gro
23a6 'gyur gyis/ /khyod kyis nga ni med 'gyur ma sems shig /de bzhin gshegs nyid lhun po 'dra bar ltos/ /nga deng yang dag mya ngan 'da' bar 'gyur/ /bde mchog de ni nga yis chos nyid de/ /rgyal rnams spyod yul yin gyis khyod ma ngu / /de nas bcom
23a7 ldan 'das la mgar ba'i bu skul byed kyis 'di skad ces gsol to/ /bcom ldan 'das de ni de lags so/ /de ni de lags te/ mya ngan las 'das pa ni bdag gis kyang bsam gyis mi khyab lags na/ sbrang bu dang 'dra ba'i sems can theg pa dman pa
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo