| e-texts navigator |
| བོད་ཡིག |
22b1 rtse mo rab mtho ba/ /mtsho chen dbus na mdzes par gnas pa ltar/ /chos kyi mnga' bdag khyod ni chos ston cing / /dge 'dun dbus su mdzes par bzhugs su gsol/ /ji ltar nyi ma gzi can shar ba na/ /'od zer dag gis sprin srab sel ba ltar/ /
22b2 drang srong chen po ye shes sgron chen gyis/ /skye bo mang po'i mya ngan deng bsal mdzod/ /sems can 'di dag ngud mos mig skrangs shing / /sdug bsngal gcig pu'i rgya mtsho'i gting du zhugs/ /de phyir dad pa rnyed dka' skyed mdzad cing / /'di rnams sdug
22b3 bsngal chod la yun du bzhugs/ /de nas bcom ldan 'das kyis skul byed la bka' stsal pa/ skul byed de ni de bzhin no/ /de ni de bzhin te/ sangs rgyas 'byung ba ni u dum bA ra'i me tog bzhin shin tu rnyed par dka'o/ /dad pa yang rnyed par dka'o/ /chos
22b4 thos pa yang rnyed par dka'o/ /de bzhin gshegs pa yongs su mya ngan las 'da' ba'i tshe zhal zas kyi tha ma'i sbyin pa'i pha rol tu phyin pa phun sum tshogs pa yang rnyed par dka'o/ /skul byed gzhan yang khyod ma ngu mya ngan ma byed par bdag gis de bzhin
22b5 gshegs pa la zhal zas kyi tha ma'i sbyin pa'i pha rol tu phyin pa phun sum tshogs pa thob bo snyam du dga' ba skyed cig dang / de bzhin gshegs pa la bcom ldan 'das bzhugs su gsol zhes de skad du khyod gsol ba ma 'debs shig /sangs rgyas rnams kyi chos
22b6 kyi de kho na nyid la rtogs shig / mi rtag pa nyid la 'jug par gyis shig /'du byed rnams kyi rang bzhin shes par gyis shig ces bka' stsal nas tshigs su bcad pa 'di dag gsungs so/ /tshe ni shin tu ring yang 'jig par 'gyur/ /'dir ni thams cad
22b7 nges par 'chi bar 'gyur/ /'tsho ba'i 'jig rten 'jig pa'i chos can yin/ /'byor pa thams cad rgud par gzhol bar 'gyur/ /rtag tu lang tsho rga bas nges par 'joms/ /gzugs bzang nad med nad kyis 'jig par 'gyur/ /srog ni 'chi bas rtsa nas
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo