| e-texts navigator |
| བོད་ཡིག |
22a1 kye ma deng bdag rnyed pa legs par rnyed/ /mi yi 'jig rten skyes pa 'bras bu yod/ /da ni rnyed la sogs las 'bral mi 'gyur/ /mi bzad dmyal bar yang ni ltung mi 'gyur/ /deng 'dir rnyed pa chen po rnyed pa 'di/ /gser gyi phung po
22a2 bas kyang lhag pa yin/ /dpa' bo bde gshegs mgon dang phrad pas na/ /phyin chad bdag ni dud 'gro'i 'jigs pa med/ /sangs rgyas la ni dad pa gting zug pa/ /deng rnyed u dum bA ra'i me tog bzhin/ /rab 'jigs 'gro ba yongs
22a3 spangs shing / /lha min skye ba'i sa bon mi bzad bcom/ /de bzhin gshegs 'byung dkon dang deng phrad pa/ /khab kyi rtse mor yungs 'bru chags pa bzhin/ /de la pha rol phyin mchog sbyin phul bas/ /rtag tu lha yi 'gro bar 'phar bar gyur/ /chu gnas
22a4 pad ma chus mi chags pa ltar/ /drang srong chen po 'jig rten chos rnams kyis/ /chags med phrad pas srid rtse'i sa bon kun/ /drungs phyung bdag nyid 'khor ba'i mtsho chen rgal/ /rgya mtsho'i nang gi ru sbal zhar ba'i mgrin/ /gnya' shing mig tu chud dka'
22a5 'dra ba las/ /bde gshegs deng phrad de la sbyin pa phul/ /de na bdag gis nyon mongs gsog kun bcom/ /lha rnams kyis ni zhal zas bzang po dag /phul yang bde gshegs ma bzhes bdag las ni/ /e raN+Da yi me tog 'dra bzhes des/ /
22a6 bdag ni 'jig rten rab mchog dpal yon can/ /tshangs pa brgya byin la sogs 'jig rten 'di/ /thams cad lhags te gus par bdag la mchod/ /khyu mchog gnas su son pa gang yin 'di/ /skye ba 'di nyid la ni bdag gis thob/ /de nas thal mo
22a7 sbyar te bcom ldan 'das la 'di skad ces gsol to/ /mgon khyod mya ngan 'da' ba mthong nas ni/ /'jig rten 'di kun sdug bsngal gzir bar gyur/ /dbang med kyi hud ces ni skad cher bla/ /'di dag ma dor rtag tu sras bzhin gzigs/ /lhun po'i gser gyi
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo