| e-texts navigator |
| བོད་ཡིག |
21b1 bo/ /skul byed 'jig rten na u dum bA ra'i me tog bzhin du mdzes pa ni rnyed par dka'o/ /de bas kyang ches de bzhin gshegs pa 'byung ba rnyed par dka'o/ /de bas kyang dad pa rnyed pa shin tu dka'o/ /de bas kyang ches chos thos pa rnyed par dka'o/ /de
21b2 bas kyang ches de bzhin gshegs pa la zhal zas kyi tha ma dbul ba rnyed par dka'o/ /de bas na zhal zas kyi tha ma sbyin pa'i pha rol tu phyin pa thob pa mgar ba'i bu skul byed khyod la phyag 'tshal lo/ /dper na ston zla 'bring po nya la sprin med pa'i tshe zla ba'i dkyil 'khor
21b3 dri ma med pa mdzes pa mthong ba na zla ba 'ba' zhig mngon du snang ba de bzhin du/ khyod kyis phul ba'i zhal zas kyi tha ma de bzhin gshegs pas bzhes pas na khyod 'ba' zhig sems can thams cad la mngon du snang ngo / /khyod la yang dang yang du phyag 'tshal lo/ /
21b4 skul byed khyod ni mi'i lus byed bzhin du lha'i yang lha yin no/ /de bzhin gshegs pa'i sras sgra gcan zin dang 'dra'o zhes byas nas tshigs su bcad pa 'di dag kyang smras so/ /khyod ni mi ma yin te lha mchog yin/ /mi mchog gtso bo khyad par 'phags
21b5 pa ste/ /de phyir khyod la gsol ba 'di skad 'debs/ /ston pa yongs su mya ngan 'da' bar chas/ /bdag cag kun la brtse bas skul byed khyod/ /skye bo rnams la yun du phan pa'i phyir/ /'dir ni ston pa dpag med mgon po la/ /bzhugs shing rgyun du
21b6 bdud rtsi ston ces gsol/ /srid las rnam grol mya ngan 'da' bzhed la/ /gal te khyod kyis de ring ma gsol na/ /bdag cag thams cad ma rung shes par gyis/ /de bas phan phyir mgon la gsol ba thob/ /de nas la la zhig pha ma gnyis shi ba las
21b7 phyir sos te gson por 'dug pa mthong na mchog tu dga' bar gyur pa de kho na bzhin du mgar ba'i bu skul byed de mchog tu dga' bar gyur nas lag pa brkyang ste/ bcom ldan 'das la mgo bos phyag 'tshal nas langs te tshigs su bcad pa 'di dag smras so/ /
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo