| e-texts navigator |
| བོད་ཡིག |
21a1 dper gsol na khyim bdag gam bram ze shin tu dbul po 'ga' zhig gzhan gyi yul du mchis la/ bdag nyid spro ba bskyed de mthar gyis zhing las brtsams nas/ des rmon glang rmo skyen pa thong gshol dang sbyar ba dag gis zhing la rdo dang /
21a2 rdu ba dang / tsher ma ma mchis par bgyis te/ re ba chen po bskyed nas sprin chen po las char 'bab pa sdod cing mchis pa de bzhin du/ bcom ldan 'das bdag ni lus kyi zhing la nyes pa gsum dang / bzhi dang bral ba'i yid dang ngag gi rmon glang dang shes pa'i thong
21a3 gshol gyis nyon mongs pa rnam pa sna tshogs kyi rdo dang / rdu ba dang / tsher ma ma mchis par bgyis nas/ khyod kyi chos kyi sprin chen po las chos kyi char pa 'bab pa la sdod cing mchis te/ dge slong gi dge 'dun dang bcas par spyan 'dren na/ bdag gi dbul ba bsal
21a4 ba dang / sems can thams cad la sman pa'i slad du/ bdag gis phul ba'i zhal zas bzhes su gsol/ bdag ni mgon ma mchis pa/ skyabs ma mchis pa lags na/ de bzhin gshegs pas bdag la sgra gcan zin bzhin du gzigs par gsol/
21a5 de nas bcom ldan 'das thams cad mkhyen pa rgyal ba gang zag bla na med pas mgar ba'i bu skul byed la 'di skad ces bka' stsal to/ /skul byed de bzhin gshegs pa dgra bcom pa yang dag par rdzogs pa'i sangs rgyas kyis khyod kyi zhal zas tha ma sbyin
21a6 pa'i pha rol tu phyin pa chen po bzhes par mdzad do/ /de nas lha dang / mi dang / lha ma yin de dag gis skul byed kyis phul ba'i zhal zas kyi tha ma sbyin pa'i pha rol tu phyin pa chen po de bzhin gshegs pa dge slong gi dge 'dun dang bcas pas bzhes so zhes
21a7 thos nas ngo mtshar rmad du byung ba'i chos thob ste/ legs so legs so zhes skad chen po phyung nas mgar ba'i bu skul byed la 'di skad ces smras so/ /kye mgar ba'i bu skul byed khyod skyid de ba khyod kyis mi lus thob pa ni phan thogs par gyur to/ /legs par thob
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo