| e-texts navigator |
| བོད་ཡིག |
20b1 ldan 'das kyi zhal du mi snang bar gyur pa mthong nas/ 'jigs shing skyi bung zhes byas te/ rgyu med par bcom ldan 'das kyi 'od zer rnams phyir log nas mi snang bar 'gyur ba'i mi rigs na/ gor ma chag par phyogs bcu dag tu bya ba rnams zin nas da ni
20b2 gdon mi za bar de bzhin gshegs pa yongs su mya ngan las 'da' bar 'gyur ro/ /bcom ldan 'das kyis gang las kyang zhal zas ma bzhes na/ kye ma sems can thams cad la tshad med pa bzhi spangs sam/ ci smyung bar bzhugs par chad dam/
20b3 kye ma ci nyi ma dang zla ba nub bam/ ci dam pa'i chos kyi gru bying ngam/ kyi hud kyi hud ces bla zhing 'khod do/ /de nas de dag rang rang gi yan lag rnams rmas par byas pa'i khrag gis sa gzhi 'dam du gyur to/ /chu klung gser ldan yang khrag tu 'bab
20b4 par gyur to/ /de nas 'khor de dag gi nang na grong khyer ku shi pa mgar ba'i bu dge bsnyen skul byed ces bya ba de mgar ba'i bu lnga dang thabs cig tu langs te/ rang rang gi spyod lam bcos nas 'jig rten dag la bltas te bla gos phrag pa gcig tu
20b5 gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ mchi ma mi thub bzhin du zhabs la phyag 'tshal te/ bcom ldan 'das la 'di skad ces gsol to/ /bcom ldan 'das
20b6 bdag ni sems can thams cad nges par bsgral ba'i slad du/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dge slong gi dge 'dun dang bcas pa la zhal zas kyi tha ma dbul bar 'tshal te/ bdag ni mgon ma
20b7 mchis pa lags/ rtsa lag ma mchis pa lags/ skyabs ma mchis pa lags/ phongs te re ba lags na/ bcom ldan 'das kyis bdag gis phul ba'i zhal zas bzhes te/ yongs su mya ngan las mi 'da' bar mdzad du gsol/ bcom ldan 'das
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo