| e-texts navigator |
| བོད་ཡིག |
20a1 'dzam bu'i gling gi sems can yang tshe dang ldan pa 'od srung dang / gnas brtan kun dga' bo dang / rgyal po ma skyes dgra rnams ma gtogs par der ma 'ongs pa su yang med de/ tha na mi gdug pa dang / sbrul gdug pa dang / sdig pa
20a2 dang / sdom la sogs pa las mi bzad pa bcu drug byed pa yan chad kyang der lhags so/ /sbyin byed ma'i bu dang / lha ma yin rtag tu 'khon gyi bsam pa can thams cad kyang sdig pa'i las spangs nas gcig la gcig bu dang / ma dang / sring mo dang 'dra bar
20a3 sems par gyur to/ /stong gsum gyi stong chen po'i 'jig rten gyi khams na 'khod pa'i sems can thams cad kyang gcig la gcig bu gcig pa la bya ba bzhin du byams par byed de/ 'dod chen po ni ma gtogs so/ /mi mjed kyi 'jig rten gyi khams 'di yang de
20a4 bzhin gshegs pa'i mthus bong ba dang / rdo dang / gseg ma dang / rdu ba dang / tsher ma med par gyur te/ shing ljon pa rin po che'i 'khri shing gis dkris pa/ mnyen zhing reg na 'jam pa dag dang ldan zhing / 'jig rten gyi khams bde ba can dang 'dra bar gyur
20a5 to/ /sems can der lhags pa thams cad kyis kyang de na 'khod bzhin du/ ji ltar me long gi ngos la rang gi gzugs brnyan snang ba bzhin du/ rdul phra rab kyi rdul snyed kyi 'jig rten gyi khams dang / sangs rgyas kyi zhing 'byor pa dang ldan pa gzhan dag kyang
20a6 mthong ngo / /de nas de bzhin gshegs pa'i zhal nas 'od zer kha dog sna tshogs sngon po dang / ser po dang / dmar po dang / dkar po dang / btsod ka dang / shel gyi kha dog lta bu dang / me lce lta bu dag byung ba gang yin pa de dag gis bya ba gang yin pa de dag gi bya
20a7 ba thams cad byas te phyir log nas/ bcom ldan 'das nyid kyi zhal du zhugs te mi snang bar gyur to/ /'khor thams cad kyi 'od kyang des zil gyis gnon par gyur to/ /de nas lha dang / mi dang / lha ma yin dang bcas pa'i 'jig rten gyis 'od zer de dag bcom
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo