rKTs

e-texts navigator

Volume

Page

201a₁ te sems dga' gzha' na/ mi de'i ming sangs rgyas rnams yon gsol/ sangs rgyas kyi lam srung zhing rim gro byed pa zhes bya ba ci'i phyir zhe na/ shA ri'i bu de'i ming sangs rgyas lam yang dag pa'i dbyings zhes bya'o/ /pho dag pa mo dge ba la la zhig dge sbyong gi chos
201a₂ thos par 'dod na/ chos yig 'di nyon cig dang / brgya stong khri 'bum gyi dpag tshad 'das pa rigs so/ /ci'i phyir zhe na/ yang dag par gshegs pa sangs rgyas rnams yun ring po zhig lon na/ gdod 'jig rten du 'byung ngo / /'jig rten du 'byung mod kyi bar bar du zad do/ /
201a₃ le'u dgu ste dogs pa bye brag phyed pa'i le'u'o// //sangs rgyas kyis shA ri'i bu la bka' stsal pa/ mi rnam gsum zhig yod pas chos yig bshad pa 'di thos na sems la mi dga' mi dad do/ /gsum gang la sogs pa zhes byas na/ gcig ni tshul khrims
201a₄ zhig pa'i dge slong ngo / /gnyis ni dge slong yar skye ba'i mi'o/ /gsum ni chos 'chad pa mi gtsang ba dang / bdag tu lta ba la 'dod chags te/ /mi des 'di lta bu bden pa'i mtshan ma zab mo chos yig bzhin du mi 'gal ba yong spangs nas/ dmus long gi sde dang grogs kyi tshang
201a₅ bar gang rgyas so/ /de lta bas na shA ri'i bu nga'i chos yig 'di bslabs te khyod la gtams bcol to/ /ci'i phyir nas shes byas na/ chos kyi yi ge 'di yang dag par gshegs pa'i phyi na/ gtsang gdang bar tshul khrims 'dzin pa'i dge slong sems la 'di lta bu chos yi ge zab mo
201a₆ la dga' zhing dad pa skye bar nus pa tshul khrims gtsang gdang bas rtag par bsdu zhing 'dzin par bya'o/ /tshul khrims zhig pa ni rtag par bsrings spang ngo / /ci'i phyir zhe na/ gti mug gis yang dag pa'i bden pa'i drang po'i tshig bshad pa thos na sdug bsngal yin par 'dzin to/ /shA
201a₇ ri'i bu tshul khrims zhig pa'i dge slong gis byad gzugs cir grub pa yang dag par gshegs pas zhib tu rgya cher bshad zin to/ /shA ri'i bu tshul khrims bshig pa'i dge slong ni chos kyi tshul khrims 'dzin pa'i cho ga la ma dad do/ /gti mug gi mi ni shes rab la mi dga'o/ /ser sna can gyi mi

_{iiif viewer powered by OpenSeadragon}

200b - 201b

Texts on this page