rKTs

e-texts navigator

Volume

Page

192b₁ zag tu lta ba med do/ /de lta bu'i bzod pa yod du zin na de'i ming spyod pa zhes bya'o/ /de'i ming thob pa zhes bya ste/ mi de'i ming yid ches pa spyad pa khyim nas byung ba ste/ yon len pa'i rigs shing gtsang ba'i gso sbyong byed pa ste/ mi de ni mi'i nang na lha zhes bya'o/ /shA ri'i
192b₂ bu sangs rgyas rnams kyi bla na med pa g.yung drung rdzogs pa'i byang chub ni gzhung gcig pa 'ba' zhig yin te de ni bral ba zhes bya'o/ /gang la sogs pa bral ba zhes byas na/ 'dod do cog dang mthong ngo cog ste/ 'dod pa ni ma rig pa yin no/ /mthong ba ni dran pa dang sems pa yin
192b₃ no/ /ci'i phyir zhe na/ chos so cog thams cad ni dran pa dang sems pas phyi mo byas te/ sems kyi 'du shes yod do cog ni mthong ba yin zhes bya ste/ mthong ba ni yon po yin no/ /shA ri'i bu dge ba'i chos kyi nang na mthong ba yang yon po mthong ba zhes bya'o/ /ci'i phyir zhe na/ shA ri'i bu
192b₄ 'dod pa dang bral ba'i stong pa zhi ba chos kyi nang na chos med/ chos med pa yang med/ dge ba yang med de/ ngan pa yang med de/ don to cog kun stong la chos kyi yi ge rnams dang bral zhing sems can thams cad dang bral bas na/ ming bral ba zhes bya'o/ /shA ri'i bu bla na med pa'i nang
192b₅ na 'dod pa rnams yong zhi'o/ /gang la sogs pa 'dod pa rnams shes byas na/ nga ni yon po mi dge ba'i sems dang / nga dang nga'i gnas dang / byed pa'i mtshan ma dang / don gyi mtshan ma ste/ de'i ming bla na med pa g.yung drung rdzogs pa'i nang na 'dod pa'o cog yong zhi zhes bya'o/ /le'u
192b₆ brgyad de gtsang ma mthong ba'i le'u 'o/ / //sangs rgyas kyis shA ri'i bu la bka' stsal pa/ ngas bsams pa 'das pa'i dus na bla na med pa g.yung drung rdzogs pa'i byang chub tshol ba na/ sangs rgyas 'bum phrag sum cu dang phrad de/ kun mtshan shAkya thub pa zhes bya'o/ /
192b₇ nga ni de'i tshe kun gyi 'khor lo 'phrul gyi rgyal po byed de/ lus kyi tshe zad kyi bar du slob ma dang / kun la yon gos dang / kha zas dang / mal cha dang / rtsi sman phul te/ bla na med pa'i g.yung drung rdzogs pa'i byang chub tshol ba'i phyir na sangs rgyas de rnams kyis nga la khyod ma 'ongs pa'i

_{iiif viewer powered by OpenSeadragon}

192a - 193a

Texts on this page