rKTs

e-texts navigator

Volume

Page

18b₁ gi yal ga rlung gis bskyod pa las kyang sil snyan dga' bar byed pa'i sgra snyan cing chags su rung ba 'byung ba sna lnga lnga sgrogs te/ sgra de dag gis sems can de dag rtse zhing dga' la dga' mgur spyod do/ /'obs de dag thams cad kyang chu bsil zhing shel
18b₂ bzhin du dang ba dag gis gang bar 'dug ste/ de dag gi nang kho ra khor yug tu sems can de dag rin po che'i gru dag gis dga' zhing rgyu bar byed do/ /chu de dag kyang pad ma dang / ud pa la dang / ku mu da shing rta'i 'phang lo tsam sha stag gis brgyan to/ /
18b₃ 'obs kyi kho ra khor yug kyang skyed mos tshal gyi phreng bas mdzes par byas te/ skyed mos tshal re re la yang rdzing bu thag gru dpag tshad phyed pa lnga lnga yod do/ /rdzing bu'i chu de dag kyang pad ma dang / ud pa la dang / ku mu da kha dog sna tshogs dri zhim po shing rta'i
18b₄ 'phang lo tsam sha stag gis khebs par 'dug la/ shing ljon pa me tog rgyas pa'i phreng bas mdzes par byas so/ /skyed mos tshal kho ra khor yug na yang ngang ngur dang / zal mo dang / khrung khrung shug dag gis pad ma'i ze 'bru myong bar byed do/ /kho ra
18b₅ khor yug gi skyed mos tshal de dang de dag na yang khang khyim dag yod la/ khang pa re re la yang chu zheng du dpag tshad bzhi bzhi yod de/ rtsig pa ni gser dang / dngul dang / bai dUr+ya dang / shel las byas/ sa gzhi ni ke ke ru las grub pa ste/ nor bu'i
18b₆ 'jo tshar gyis spel cing snang bar byas pa'i mu tig gi do shal spyangs pa dang ldan pa/ gser gyi rta babs chen po dang / skar khung dang / dra ba dag gis brgyan pa'i khang mthon po sa gzhi ni gser gyi bye ma bdal ba dang ldan pa sha stag go/ /rdzing bu rnams
18b₇ kyang 'drul ba'i lam gser gyi them skas them pa brgyad dang ldan pa dang / mtha' thog thag tu gser gyi chu shing gi phreng bas mdzes par byas pa'i lha'i tsan dan gyi dri bsung can gyi chu dang ldan pa sha stag go/ /grong khyer chen po de dag re re'i nang na yang rgyal po brgyad khri bzhi stong

_{iiif viewer powered by OpenSeadragon}

18a - 19a

Texts on this page