| e-texts navigator |
| བོད་ཡིག |
18a1 pas bdag cag gi de bzhin gshegs pa la mchod pa mdzad pa la yang ltos shig ces byas so/ /de nas 'khor de dag thams cad kyis me long gi ngos la bdag gi gzugs mthong ba bzhin du/ 'jig rten gyi khams thag ring po na
18a2 bzhugs pa'i de bzhin gshegs pa de dang / 'jig rten gyi khams de mthong ngo / /de nas 'jam dpal gzhon nur gyur pas 'khor de dag la 'di skad ces smras so/ /ji ltar khyod kyis 'jig rten gyi khams 'di dang / de bzhin gshegs pa 'di
18a3 mthong ba de bzhin du/ phyogs bcu'i de bzhin gshegs pa rnams dang / 'jig rten gyi khams gzhan dag kyang ltos shig /de bzhin gshegs pa rnams ni 'di ltar bdag nyid che ba yin te/ rang rang gi gnas na bzhugs bzhin du yang khyed la
18a4 zhal ston par mdzad do/ /'khor de dag gis smras pa/ kye ma de bzhin gshegs pa de ltar bdag nyid che ba yang yongs su mya ngan las 'da' bar 'gyur ba lta/ kyi hud ces bla zhing 'khod do/ /de nas byang chub sems dpa' sems dpa' chen po
18a5 lus chen mtha' yas byang chub sems dpa' dpag tu med pa dag gis bskor ba yang mthong ste/ byang chub sems dpa' de'i lus kyi ba spu'i khung bu re re nas pad ma chen po byung ngo / /pad ma chen po re re la yang grong khyer bdun khri brgyad stong bdun khri brgyad stong yod la
18a6 grong khyer de dag kyang yul yangs pa can gyi thag gru tsam sha stag ste/ rin po che sna bdun gyi ra ba dang 'obs bdun rim gyis bskor la/ shing ta la'i phreng ba bdun rim gyis mdzes par byas pa sha stag ste/ 'byor pa dang / rgyas pa dang / bde ba dang ldan zhing
18a7 dga' dga' ltar 'dug la/ ra ba de dag kyang 'dzam bu chu bo'i gser gyi ba gam chen po sha stag gis bskor te/ ba gam thams cad kyi bar bar na yang shing ljon pa gzhon sha can 'bras bu dang me tog dang ldan pa sna mang po dag yod do/ /shing ljon pa de dag
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo