rKTs

e-texts navigator

Volume

Page

186b₁ bu'i mi gti mug gis chos bshad pa mi gtsang ba ni/ bskal pa stong khri 'bum gyi bar du sems can rnams kyi rkun po'i mya ngan chen po byas so/ /mi de gti mug gi mun gyis sangs rgyas kyi byang chub bkab pas sems kyi phyi mo 'dod chags pa la slar yang 'dod
186b₂ dngar nas/ gcig gis gcig mthud cing chags te/ 'dod chags spyad pas na lam rgyud lngar song zhing 'ong ste/ ngo tsha ba'i lam med cing skye shi mi chad do/ /de lta bas na shA ri'i bu chos 'chad pa mi gtsang ba ni sdig shin tu mang po thob bo/ /sems can gyi ngan pa'i bshes
186b₃ gnyen yang byas so/ /snga ma 'das pa dang / ma 'ongs pa dang / da ltar gyi sangs rgyas la'ang skur to/ /shA ri'i bu de'i 'dzam bu'i gling gi sems can zhog ste/ mi la la zhig gis stong gsum gyi stong chen po'i 'jig rten gyi khams kyi sems can thams cad kyi srog phrogs pa bas/
186b₄ chos 'chad pa mi gtsang ba'i sdig de mtho'o/ /ci'i phyir zhe na/ mi des sangs rgyas rnams kyi bla na med pa yang dag par rdzogs pa'i byang chub kun bshig ste/ bdud kyi don la bstangs shing sems can tshe rabs brgya stong khri'i bar du rkun po'i mya ngan rnams nod par yang bya ste/
186b₅ bcing bar bya ba 'ba' zhig nus kyi dgrol bar bya mi nus te/ de lta bu'i mi sems can rnams kyi ngan pa'i bshes gnyen yin par mngon no/ /gyi tshig des phal mang po'i nang du sangs rgyas rnams la skur cing gzhigs so/ /rgyu rkyen de lta bas na sems can dmyal ba
186b₆ chen por ltung ngo / /sems can yon po'i don mthong ba bstan pa mang ste/ de lta bas na ming ngan pa yon po mthong ba zhes bya'o/ /shA ri'i bu bdag tu lta ba dang / gang zag tu lta ba dang / sems can du lta ba ni yon por lhung ba mang ngo / /zhi ba ma mthong ba yang chod pa ni myur te/
186b₇ lam thob pa mang ngo / /ci'i phyir zhe na/ des mthong sla ba'i phyir ro/ /de lta bas na shes par byos shig /mi de rang gi ral gri rnon po bdar te/ lce gcod na phod kyi phal gyi nang du mi gtsang bar chos 'chad pa ni mi rigs so/ /le'u bdun te gna' 'das pa'i le'u'o// //

_{iiif viewer powered by OpenSeadragon}

186a - 187a

Texts on this page