| e-texts navigator |
| བོད་ཡིག |
17b1 de nas 'khor de dag gi nang na tshangs pa dang / dbang po dang / 'jig rten skyong dang / lha ma yin dang / dbang phyug chen po la sogs pa lha rnams kyis sa gzhi de lta bur gyur pa mthong nas skyi bung zhes byas te/ 'jigs shing kha dang lkog ma skams nas/
17b2 'bros par chas te rang rang gi 'od kyang mi mthong zhing 'od nyams par gyur to/ /de nas 'khor de nyid kyi nang nas/ 'jam dpal gzhon nur gyur pa langs te/ lha'i tshogs de dag la 'di skad ces smras so/ /grogs po dag ma 'jigs shig /ma
17b3 'jigs shig / shar phyogs logs su 'jig rten gyi khams gang gA'i klung grangs med pa gtams phrag dkrigs kyi bye ma'i rdul phra rab grangs med pa snyed 'das pa na/ 'jig rten gyi khams yid 'phrog sgra snyan mu tug ces bya ba zhig yod de/ de na de
17b4 bzhin gshegs pa dgra bcom pa yang dag par rdzogs pa'i sangs rgyas nam mkha' dang mnyam pa zhes bya ba da ltar bzhugs la 'tsho zhing gzhes te/ de bzhin gshegs pa des rang gi sras kyi thu bo nyan thos la bos te bka' stsal pa/ rigs kyi bu khyod mi
17b5 mjed kyi 'jig rten gyi khams su song la/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba yongs su mya ngan las 'da' bar 'gyur gyis/ de dge slong gi dge 'dun dang bcas pa la zhal zas kyi
17b6 tha ma phul la/ khyod kyi the tshom dang yid gnyis ci dang ci yod pa de dag kyang legs par zhus shig dang / des khyod la lung bstan par 'gyur ro zhes bka' stsal te/ bcom ldan 'das des byang chub sems dpa' sems dpa' chen po lus chen mtha'
17b7 yas 'di btang ste/ byang chub sems dpa' grangs med pas bskor cing mdun du bdar nas/ 'dir 'ongs pa de'i gzi brjid kyis khyod kyi 'od nyams par gyur to/ /de 'ong ba la rjes su yi rang bar gyis shig /de bzhin gshegs pa nam mkha' dang mnyam
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo