| e-texts navigator |
| བོད་ཡིག |
16b1 'gyur bas na bzhes par bya'i/ zang zing gi sbyin pa ni de lta ma yin gyis/ sdig can khyod gsol ba ma 'debs shig ces bka' stsal nas/ bcom ldan 'das cang mi gsung bar gyur to/ /lan gnyis lan gsum gyi bar du yang bdud dang bdud kyi
16b2 bu mo rnams kyis bcom ldan 'das la gsol ba btab pa las ma bzhes te/ re thag chad nas phyogs gcig tu 'khod do/ /de nas de'i tshe lha'i bu dbang phyug chen po lha'i bu dpag tu med pa mthu dpag tu med pa dag gis mdun du bdar te/ rang gi 'od
16b3 kyis tshangs pa dang / lha'i dbang po dang / lha ma yin dang / bdud kyi 'od rnams snag tsha'i gong bu bzhin du 'od mi gsal bar byas te/ bcom ldan 'das kyi mchod pa rgya chen po nyis 'gyur nyis 'gyur bas lhag pa dag khyer nas der song ste/ de'i mchod pa
16b4 rnams kyi nang na gdugs phal pa gang yin pa de yang chu zheng du stong gsum gyi stong chen po'i 'jig rten gyi khams khyab par 'dug ste/ mchod pa de lta bu sngon du btang nas/ bcom ldan 'das kyi thad du phyin te/ lan du mar bskor ba byas nas zhabs la
16b5 mgo bos phyag 'tshal te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das la bdag mchod pa bgyid pa ni sbrang bu mchod pa bgyid pa dang 'dra ste/ bdag sbrang bu dang
16b6 'dra bas bcom ldan 'das la mchod pa bgyid pa'i rngo ga la thogs kyis kyang / bcom ldan 'das bdag la thugs brtse ba'i slad du zhal zas kyi tha ma gsol bar ci gnang zhes lan gnyis lan gsum du gsol ba btab kyang / lan gnyis lan gsum du bcom
16b7 ldan 'das cang mi gsung bar gyur te/ re thag chad nas langs te phyogs gcig tu 'dug go/ /de nas de'i tshe sangs rgyas kyi zhing 'di nas shar phyogs logs su 'jig rten gyi khams gang gA'i klung grangs med pa gtams phrag dkrigs kyi bye ma snyed 'das pa na/
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo