| e-texts navigator |
| བོད་ཡིག |
16a1 bcom ldan 'das dge slong gi dge 'dun dang bcas pa dang / 'khor dang bcas pas bdag cag gis phul ba'i zhal zas bzhes su gsol/ bcom ldan 'das bdag cag gis da slan chad theg pa chen po'i slad du yi dam bca' bar
16a2 'tshal te/ rigs kyi bu'am/ rigs kyi bu mo gang su yang rung / 'jigs pa'i slad du 'am/ rnyed pa dang bkur sti 'tshal ba'i slad du 'am/ thob tu re ba'i slad du 'am/ gzhan gyis bgyid du stsal ba 'am/ gzhan gyi yid bsrung ba'i slad du
16a3 yang rung ste/ theg pa chen po rjod par bgyid na/ de'i don du 'jigs pa dang / mi dga' ba thams cad bsal ba'i gsang sngags bshad par 'tshal lo/ /tad+ya thA/ Thag ke /Ta Ta ra Thag ke /ro ru re/ ma hA ro ru re/ A la mA la/ tA la/ swA hA/
16a4 chos smra ba 'khrul pa dang 'jigs pas gnod par gyur pa rnams/ chos kyi tshul la spobs pa bskyed par bgyi ba dang / mu stegs pa rnams myos par bgyi ba dang / dam pa'i chos bsrung ba dang / bdag dang gzhan bsrung ba'i slad du bdag gis rang gi
16a5 dam tshig gis smras pa'i gsang sngags 'di glang po che'i 'jigs pa 'am/ nags khung gi 'jigs pa 'am/ chu klung gi 'jigs pa 'am/ me'i 'jigs pa rnams kyi nang du bsrung ba'i gzungs sngags kyi don du rjod pa gang lags pa de dag ni rjod pa
16a6 tsam gyis ji ltar ru sbal rang gi lus bsrungs pa de bzhin du/ bdag gis g.yo dang sgyu ma mchis par de dag gi 'jigs pa thams cad las bsrung bar bgyi/ stobs dang ldan par yang bgyid lags na/ bcom ldan 'das kyis da zhal zas 'di bzhes
16a7 par gsol zhes bskul to/ /de nas bcom ldan 'das kyis bdud sdig can la 'di skad ces bka' stsal to/ /sdig can khyod kha zas kyi phyir gsol ba ma 'debs shig /gsang sngags kyi tshig 'di sems can thams cad la phan pa'i phyir chos kyi sbyin par
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo