| e-texts navigator |
| བོད་ཡིག |
169a1 phrad la de la ming dang kha dog stong par zhi ste/ smra ba'i tshig gi lam bshad sdang ba yang med/ stong pa yang med/ chos bshad de/ mtshan ma med pa khong du chud de/ de lta bu'i skye ba med/ 'gag pa med/ mtshan ma med pa'i chos thos na/
169a2 mi dngangs mi 'jigs na/ de lta bu'i mi ni dpag tu med pa'i sangs rgyas la yon gsol myong zin par mngon te nga'i chos shes par nus pas/ de'i ming ni 'phrul gyi dge 'dun zhes bya'o/ /sangs rgyas kyi mdzod kyi le'u ste gtsang ma'i le'u'o// //
169a3 sangs rgyas kyi mdzod kyi chos kyi yi ge/ /bam po gnyis pa/ sangs rgyas kyi mdzod kyi yi ge le'u lnga ste/ tshul khrims gtsang ma'i le'u'o/ /sangs rgyas kyis shA ri'i bu la bka' stsal pa/ tshul khrims zhig pa'i dge slong la/ mya ngan 'khrug pa'i mda' bcu yod de/
169a4 bzod par mnags par dka'o/ /dge slong gis mya ngan 'khrug pa'i mda' bcu 'byor grub na/ sangs rgyas kyi chos zhim po'i ro mi thob ste/ chos 'chad pa la sdang zhing nye bsnyen pa la mi sred do/ /bcu gang la sogs pa zhes byas na/ shA ri'i bu tshul khrims zhig
169a5 pa'i dge slong gis dge 'dun 'byor 'dum pa mthong na/ dga' ba'i sems mi skye'o/ /ci'i phyir zhe na/ 'dus tshogs te gso sbyin byas na/ bdag ni bskrad de phyung / yang dag ches dge slong ngan pa de bdag la nyes pa yod par shes pas rtag par mya ngan 'khrug pa srel
169a6 te/ tshul khrims 'dzin pa la gshe 'khon cing mi dga'o/ /shA ri'i bu de'i ming mya ngan 'khrug pa'i dge slong gi thog ma'i mya ngan 'khrug pa'i mda' zhes bya ste/ yang dag par lam ngan par ltung ngo / /yang dag pa'i bu tshul khrims zhig pa'i dge slong ni phal kun kyang sdang
169a7 zhing mi 'dod pas nye bsnyen par mi dga' ste/ phyugs ngan pa rdung khus rwa rnon po mi'o cog gis btang ba bsrings pa dang mtshungs so/ /dge slong ngan pa de rang la nyes pa yod par shes pas rtag par dogs pa dang mya ngan 'khrug pa srel to/ /shA ri'i bu de'i ming tshul khrims zhig
iiif viewer powered by OpenSeadragon
Texts on this page
D123 - sangs rgyas kyi mdzod kyi chos kyi yi ge