| e-texts navigator |
| བོད་ཡིག |
161b1 te/ lus dang / kha dang / yid kyi las kyi gnas kyang med pa'o/ /blangs pa yang med/ bsdus pa yang med/ 'thab pa yang med/ rtsod pa yang med/ bsam pa yang med/ rnam par brtag pa'ang med/ stong pa mi g.yo zhing rang bzhin med la/ tshor ba dang /
161b2 brtag pa kun zhi ba de'i ming sangs rgyas bsam pa'o/ /shA ri'i bu mi la la zhig gis de lta bu'i sems 'byor grub na/ gling bzhi'i sa bsgyur bar bya na yang yid bzhin du bsgyur nus so/ /brgya stong 'bum gyi bdud kyang phebs par nus na ma rig pas bsgribs pa lta smos
161b3 kyang ci dgos te/ mi bden pas bslus pa'i rkyen las langs pa ste/ mi 'gyur ba'i mtshan ma med pa chos de lta bu yin te/ 'du shes med/ 'dran tor med/ skye ba med/ 'gog pa med de/ bshad du'ang mi rung / rnam par brtag tu'ang med/ mun pa'ang med/
161b4 snang ba'ang med/ bdud dang bdud phal kun gyis kyang tshod gzung mi nus na/ 'jig rten gyi tha mal pas tshig gis bshad pa 'ba' zhig gis spyad de bstan bslabs pa yod pas tshig de skad du byas su zad do/ /khyod sangs rgyas bsam pa'i tshe 'du shes cung zad ma
161b5 blangs shig / 'dran tor ma skyed cig /rnam par brtag pa ma byed cig /ci'i phyir zhe na/ chos de kun stong pa ste/ gnyis kyi mtshan ma'ang med/ gcig gi mtshan ma bsam pa'ang mi rung ste/ mtshan ma med pa'o/ /de'i ming yang dag par dben par sangs rgyas
161b6 bsam pa ste/ de ni skye ba'ang med/ 'gog pa'ang med/ mtshan ma med pa'o/ /ci'i phyir zhe na/ yang dag par gshegs pa'i ming kha dog ces mi bya'o/ /ming gzugs zhes mi bya'o/ /ming sems zhes mi bya'o/ /ming rnam par rtog pa zhes mi bya'o/ /log
161b7 pa'ang ma yin/ ma log pa'ang ma yin/ ma blangs/ ma bor/ thub pa'ang ma yin/ shes rab kyang ma yin/ rig pa yang ma yin/ ma rig pa yang ma yin/ yang dag par gshegs pa bshad du mi rung / bsam gyis kyang mi khyab ste/ 'du shes med do/ /
iiif viewer powered by OpenSeadragon
Texts on this page
D123 - sangs rgyas kyi mdzod kyi chos kyi yi ge