| e-texts navigator |
| བོད་ཡིག |
160b1 gyis mi khyab/ brjod kyis mi lang ngo / /gzhung de lta bas na ci yang med par mthong ba ni ming sangs rgyas bsam pa zhes bya ste/ bden par ming rnam par brtag pa med do/ /sangs rgyas chos so cog la rnam par brtags pa med pas na/ sems la rnam par brtags pa med na
160b2 gdod sangs rgyas bsam pa yin zhes bya'o/ /yang gcig tu na chos so cog gi bden pa'i mtshan ma mthong na ming sangs rgyas mthong zhes bya'o/ /gang la sogs pa'i ming chos so cog gi bden pa'i mtshan ma zhes byas na de ni chos so cog mtha' yun du stong zhing ci yang med pa'o/ /
160b3 de lta bas na mtha' yun du stong zhing ci yang med pa'i chos ni sangs rgyas bsam pa'o/ /yang gcig tu na de lta bu'i chos kyi nang na sems cung zad yan chad kyang thob par mi rung ste/ de'i ming sangs rgyas bsam pa zhes bya'o/ /shA ri'i bu de'i ming sangs rgyas bsam pa'i chos te/
160b4 smra ba'i tshig gi lam chad la sems so cog las 'das shing byung ste/ sems thob par mi rung ba de'i ming sangs rgyas bsam pa'o/ /shA ri'i bu sems so cog thams cad ni kun mtshan ma stong pa zhi ba ste/ chos de bzhin du ma gal na de ni ming sangs rgyas bsam pa spyod
160b5 pa sbyong ba zhes bya'o/ /kha dog spyad de sangs rgyas bsam du'ang mi rung ngo / /ci'i phyir zhe na/ kha dog bsams gzugs blangs bro la chags na rnam par shes pa zhes bya'o/ /gzugs med/ kha dog med/ rkyen med/ rang bzhin med na ming sangs rgyas bsam pa'o/ /
160b6 de lta bas na rnam par brtags pa med/ blang ba med/ dor ba med na/ sangs rgyas bsam pa yang dag pa yin par mngon no/ /le'u gsum ste chos bsam pa'i le'u'o// //de'i tshe shA ri'i bus sangs rgyas la gsol pa/ bcom ldan 'das ji ltar na mi gzhan
160b7 la chos 'di bshad na ngan pa'i bshes gnyen zhes bgyi/ bcom ldan 'das ji lta bur na mi gzhan la chos 'di bshad na dge ba'i bshes gnyen zhes bgyi/ shA ri'i bu mi la la zhig gis dge slong gzhan la bstan pa khyod shes par gyis shig /sangs rgyas bsam pa ni stong pa'o/ /rkyen
iiif viewer powered by OpenSeadragon
Texts on this page
D123 - sangs rgyas kyi mdzod kyi chos kyi yi ge