| e-texts navigator |
| བོད་ཡིག |
15b1 mchod pa'i tshogs dang / rkyen du 'tsham pa'i zhal zas dag dang chas te/ bcom ldan 'das kyi thad du song ngo / /de'i gdugs phal pa yang chu zheng du 'jig rten gyi khams chung ngu khyab pa tsam ste/ des kyang bcom ldan 'das la zhal zas bzhes par
15b2 gsol ba las/ bcom ldan 'das kyis ma bzhes nas langs te phyogs gcig tu 'dug go/ /de nas bdud sdig can chung ma grangs med pa'i 'khor dang chas te/ sems can dmyal ba thams cad kyi bar srang thams cad phye nas/ de dag la chu dang / kha
15b3 zas la sogs pa ci 'dod pa byin te/ de dag la de bzhin gshegs pa dgra bcom pa yang dag par rdzogs pa'i sangs rgyas dran par gyis shig /sbyin pa'i tha ma la rjes su yi rang bar gyis shig ces smras nas/ de dag la khyed bde bar gyur cig ces kyang dbugs
15b4 phyung ngo / /sems can dmyal ba'i grong khyer mtshon chas gang zhing me chen po 'bar ba rnams su yang sprin chen po bzhin du chu chen po phab nas/ sems can dmyal ba pa rnams kyis sngon ma myong ba'i bde ba dang ldan pa'i 'du shes bskyed de/ de bzhin gshegs pa'i mthus
15b5 bdud kyi sems kyi gnas skabs de lta bur gyur to/ /de'i 'khor gang yin pa de dag gis kyang gzhu dang / ral gri dang / tho ba dang / dgra sta dang / rdo rje rtse gcig pa dang / mtshon kam pa na dang / lcags kyi ber ka dang / lcags mda' dang / sha ta
15b6 ka ni ha dang / mda' dang / 'phang mdung dang / mdung rtse gcig pa la sogs pa mtshon cha rnam pa du ma yongs su spangs te chos lhur len par gyur to/ /de'i mchod pa yang lha snga ma rnams la med pa de lta bur gyur te/ de'i gdugs phal pa'i chu zheng du yang 'jig rten
15b7 gyi khams bar ma'i khyon tsam mo/ /de ltar de mthu chen po dang ldan zhing rang gi chung ma rnams kyi rnga yab kyis g.yob bzhin du bcom ldan 'das ga la ba der phyin nas/ bcom ldan 'das kyi zhabs la mgo bos phyag 'tshal te/ thal mo sbyar nas 'di skad ces gsol to/ /
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo