| e-texts navigator |
| བོད་ཡིག |
15a1 de'i rjes la mthar gyis 'dod pa na spyod pa'i lha'i ris drug po rnams kyis steng gi bar snang la mchod pa dang / 'od snga ma las khyad par du spags nas/ bcom ldan 'das ga la ba der dong ste/ de dag gi mchod pa'i nang na gdugs phal
15a2 pa gang yin pa de yang kho ra khor yug tu gling bzhi pa'i khyon tsam mo/ /ba dan phal pa gang yin pa de yang rgya mtsho chen po bzhi'i mthar thug ste/ shar phyogs kyi rgya mtsho nas nub phyogs kyi rgya mtshor thug ste/ rlung gis bskyod dam/ rlung gis phyar na ba dan de dag
15a3 las pi bang gi sgra snyan pa khong nas 'khyil pa lta bur snyan pa dag 'byung ste/ de dag bcom ldan 'das la phyag 'tshal nas zhal zas bzhes par gsol ba btab kyang / bcom ldan 'das cang mi gsung nas re thag chad de phyogs gcig tu 'khod do/ /de'i
15a4 tshe srid pa'i rtse mor skyes pa rnams ma gtogs par gong ma gong ma'i sems can gzhan gang yin pa de dag thams cad bcom ldan 'das la mchod pa bya ba'i phyir/ mchod pa rgya chen po'i tshogs dang chas te lhags nas snga ma bzhin du phyogs gcig tu 'khod do/ /mi
15a5 mjed kyi bdag po tshangs pa yang tshangs ris kyi lha'i bu dpag tu med pa dag gis bskor cing mdun du bdar te/ rang gi gzi byin gyis lha thams cad kyi gzi byin zil gyis mnan nas/ mchod pa'i tshogs chen po dang chas te bcom ldan 'das kyi thad du dong ste/ de
15a6 dag gi ba dan phal pa gang yin pa de yang tshangs pa'i 'jig rten nas 'phyang ste/ shing sA la zung gi drung du thug go/ /des kyang bcom ldan 'das la zhal zas bzhes par gsol ba las/ bcom ldan 'das kyis ma bzhes nas phyogs gcig tu 'khod do/ /
15a7 de nas de'i tshe lha ma yin gyi dbang po thags zangs ris lha ma yin gyi g.yog 'khor dpag tu med pa dang bcas pas/ tshangs pa dang dbang po gnyis ma gtogs par de'i bar gyi lha yod do cog gi 'od rang gi 'od kyis mog mog por byas nas/ de'i rkyen du 'tsham pa'i
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo