rKTs

e-texts navigator

Volume

Page

156b₁ gcig dang / yon len du'ang ma gnang ngo / /shA ri'i bu mi la la zhig de lta bur mi dge ba'i 'dod chags kyi don bsal btang ba ni nga'i chos kyi nang du khyim nas 'byung zhing chos la ma tshol te/ mya ngan las 'das par yang mi sems/ mya ngan las 'das pa'i sems kyang mi byed/ mya ngan
156b₂ las 'das pa la'ang ma chags te/ mtha' yun du stong pa'i chos kyis ma dngangs/ ma skrag pa de lta bu'i mi yang chos kun 'chad pa'i phyir brtson 'grus pa la spyod na/ mi dge ba la 'dod chags pa de lta bu'i lta smos kyang ci dgos/ bdag tu lta ba la chags pa dang / sems can la chags pa dang / gang zag la
156b₃ chags pa dang / chos la chags pa de lta bu'i mis 'dod chags rnams bcad pa'i phyir mtshan ma med pa'i ting nge 'dzin 'grub par spyad sbyangs te/ mtshan ma med pa'i ting nge 'dzin la yang mtshan ma mi len te/ mi des chos so cog thams cad kyi mtshan nyid gcig yin par khong du chud de/
156b₄ de ni mtshan nyid med pa'o/ /shA ri'i bu de lta bu ni ming 'phrul gyi chos kyis mnyen dul ba'i chos kyi bzod pa zhes bya'o/ /mnyen dul ba'i chos kyi bzod pa de lta bu thob na/ gdod ming nga'i slob ma yin te/ yon phul ba'ang zhu bar bya nus la lung ston par ma mnos so/ /ci'i phyir zhe
156b₅ na byas na/ shA ri'i bu nga'i yang dag pa'i bden pa'i mtshan ma'i chos 'di la 'jug tu'ang mi rung / blang du'ang mi rung / dor du'ang mi rung / chags su'ang mi rung / bshad du'ang mi rung / smra ba'i tshig gi lam chad/ dga' ba'ang med/ gzha' ba'ang med/ 'dod cing dga'
156b₆ ba'i sems kyang chad de/ rkyen rnams tshogs pa med/ rkyen rnams dang bral bas kyang lam med/ lam chad/ lam med pa la thug par smra ba'i tshig rnams dang / brjod cing 'gro ba dang / sgra skad kun chad/ de gzugs kyang med/ kha dog kyang med/ blang ba'ang med/ chags
156b₇ pa'ang med/ spyad pa'ang med/ bden pa'ang med/ pa'ang med/ mun pa'ang med/ snang ba'ang med/ zhig pa'ang med/ rtsod pa'ang med/ 'dus pa'ang med/ gyes pa'ang med/ g.yo ba'ang med/ sems pa'ang med/ rnam par rtog pa'ang med/ thob par

_{iiif viewer powered by OpenSeadragon}

156a - 157a

Texts on this page