| e-texts navigator |
| བོད་ཡིག |
155a1 zad pa'i me chen pos bsregs pa'i tshe/ mi zhig gis mchil ma thabs cig btab pas me de shi bar nus/ yang thabs cig bus pas slar 'jig rten gyi khams dang lha rnams kyi pho brang du gyur par nus pa de khyod kyi yid la ji snyam/ yod dkon nam mi dkon/ bcom
155a2 ldan 'das dkon lags so/ /shA ri'i bu yang dag par gshegs pas bshad pa/ chos so cog kun la skye ba yang med/ 'gog pa yang med/ mtshan ma yang med/ bya ba yang med na/ mi kun yid ches shing shes par byas pa ni phyed kyis yod dkon no/ /shA ri'i bu chu
155a3 bo gang gA che zhing yangs pa ni dpag cing tshad gzung du med do/ /bcom ldan 'das 'di lags so/ /shA ri'i bu gnam ngos bzhi'i 'og na char pa chen po khyab par bab ste/ char pa'i thigs pa ni chu bo gang gA tsam na/ mi la la zhig gis lag pas char pa'i thigs pa bzed
155a4 de lhung zhing zag pa med na de khyod kyi yid la ji snyam/ yod dkon nam mi dkon/ bcom ldan 'das dkon lags so/ /shA ri'i bu yang dag par gshegs pas bshad pa chos so cog kun la skye ba yang med/ 'gog pa yang med/ mtshan ma yang med/ bya ba yang med na/
155a5 mi kun yid ches shing shes par byas na phyed kyis yod dkon no/ /shA ri'i bu ri rab ri'i rgyal po mtho zhing che'am mi che/ bcom ldan 'das mtho zhing che'o/ /shA ri'i bu gnam ngos bzhi'i nang na khyab par rdo chen po'i char bab ste/ kun ri rab ri'i rgyal po tsam na/ mi la la
155a6 zhig gis lag pas rdo de dag bzed cing bsdus te/ ske tshe'i 'bras bu tsam yang lhung zhing zag pa med pa de khyod kyi yid la ji snyam/ dkon nam mi dkon/ bcom ldan 'das dkon lags so/ /shA ri'i bu yang dag par gshegs pas bshad pa/ chos so cog kun
155a7 la skye ba yang med/ 'gog pa yang med/ mtshan ma yang med/ bya ba yang med na/ mi kun yid ches shing shes par byas pa phyed kyis yod dkon no/ /shA ri'i bu dper na mi la la zhig gis sems can thams cad lag pa g.yon par bzhag la/ lag pa g.yas
iiif viewer powered by OpenSeadragon
Texts on this page
D123 - sangs rgyas kyi mdzod kyi chos kyi yi ge