rKTs

e-texts navigator

Volume

Page

154a₁ mo mkhan mkhas pas nam mkha' la bris te/ kha dog dang gzugs rnam pa ci yang snang bar byas na khyod kyi yid la ji snyam du sems/ ri mo mkhan de yod pa dkon nam mi dkon/ bcom ldan 'das dkon lags so/ /shA ri'i bu yang dag par gshegs pas 'thob pa'i bla
154a₂ na med pa g.yung drung rdzogs pa'i byang chub kyis chos so cog la skye ba yang med/ 'gog pa yang med/ mtshan ma yang med bya ba yang med par bshad na/ mi kun yid ches shing shes par byas pa ni ches kyis yod pa dkon no/ /ci'i phyir byas na ming dang mtshan ma med pa'i chos la bsam pa yang med/
154a₃ thob pa yang med/ spyad pa yang med de/ bsam gyis mi khyab cing sems kyis gnas shing rten pa yang ma yin/ 'dran tor du brjod pa yang med/ 'dran tor du brjod cing / rten gnas su rung ba yang ma yin/ tshor ba yang med/ brtags pa yang med/ jis bsdu ba yang med/
154a₄ sems la yang mi 'dug /thob pas thob pa yang med/ tshu logs kyang med/ pha logs kyang med/ rnam par rtog pa yang med/ g.yo ba yang med/ rang bzhin yang med/ phyi mo nas rang stong pas bsam du yang mi rung 'byung du yang mi rung ste/ 'jig rten thams cad kyis yid ches
154a₅ par mi nus pa de lta bu'i ming mtshan ma med pa'i chos ming dang mtshan mas bshad de/ de lta bu'i ni chos so cog kun skye ba yang med/ 'gog pa yang med/ mtshan ma yang med/ bya ba yang med pas mi kun yid ches shing shes par bya ba ni phyed kyis yod dkon no/ /shA ri'i bu mi la la zhig
154a₆ gis ri rab ri'i rgyal po bldad de/ mid la zhu zhing zad par bya nus la nam mkha' la 'phur te song na/ gnod pa med pa de khyod kyi yid la ji snyam/ yod dkon nam mi dkon/ bcom ldan 'das dkon lags so/ /shA ri'i bu sangs rgyas rnams kyis bshad pa la/ chos so cog
154a₇ kun la skye ba'ang med/ 'gog pa'ang med/ mtshan ma yang med/ bya ba yang med na/ mi kun yid ches shing shes par byas pa ni phyed kyis yod dkon no/ /shA ri'i bu dper mi'i mkhar chu zheng mthon dman dpag tshad re re yod la sgo bzhir me lce byung ba la mi zhig khur du rtswa skam

_{iiif viewer powered by OpenSeadragon}

153b - 154b

Texts on this page