| e-texts navigator |
| བོད་ཡིག |
150b1 dgos so/ /gsol pa/ bcom ldan 'das da ni yongs su mya ngan las 'das pa chen po'i mdo chen po'i bsod nams ji ltar skye ba bka' stsal du gsol/ bka' stsal pa/ sangs rgyas kyi yul 'di ni bsam gyis mi khyab pa'i phyir nyan thos dang rang sangs rgyas thams cad kyis kyang mdo
150b2 sde 'di'i ming yang tshig tsam du yang nyan pa rnams la brjod par mi nus so/ /de nas bcom ldan 'das la lha dang mi dang lha ma yin rnams kyis tshig 'thun par tshigs su bcad de gsol pa/ sangs rgyas bsam yas bsam yas chos gsung ba/ /chos dang dge 'dun rtag tu khyod la
150b3 rten/ /de phyir dge slong 'od srung kun dga' bo/ /ma mchis bar du mgon po bzhugs par gsol/ /bi de ha yi rgyal po ma skyes dgra/ /khyod kyi mdza' mchog thugs 'dra che ba yang / /da dung ma mchis mthar thug khyod ma gshegs/ /kun mkhyen khyod kyis bdag cag the
150b4 tshom chod/ /de nas bcom ldan 'das kyis de dag la 'di skad ces bka' stsal to/ /nga yi sras mchog thu bo 'od srung dang / /blo ldan kun dga' khyod kyi the tsom gcod/ /khyod kyis nga yi zhal ltos rtag pa dang / /mi rtag shes byos mya ngan ma byed cig /de nas 'khor de dag thams
150b5 cad kyis bcom ldan 'das la mchod pa chen po byas te bla na med pa yang dag par rdzogs pa byang chub tu smon lam btab nas der sems can gang gA'i klung gtams phrag dkrigs snyed kyi bye ma'i grangs snyed kyis sems bskyed nas byang chub sems dpa'i sa dang po'i gnas thob bo/ /de nas bcom ldan
150b6 'das kyis 'jam dpal gzhon nur gyur pa dang / bram ze che zhing mtho ba 'od srung chen po dang rus gcig pa la bka' stsal te/ mgar ba'i bu tsun da byang chub tu dbang bskur nas byang chub sems dpa' de gsum la bka' stsal pa/ rigs kyi bu dag bag yod par gyis shig /bag yod par gyis
150b7 shig / nga rked pa'i nad drag pos btab ste/ gzhon nu dag nga re zhig thabs kyi nang pho brang du nyal bar 'dod kyis nyal du chug shig 'jam dpal khyod kyis 'khor thams cad la chos ston cig seng ge'i sgra sgrogs shig /gnas brtan 'od srung chen po dang / kun dga' bo gnyis ma 'ongs pa'i bar du
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo