| e-texts navigator |
| བོད་ཡིག |
14b1 mtha' yas pa rnams dang / mdzes sdug rnams dang / mdzes sdug chen po rnams dang / dga' byed rnams dang / dga' byed chen po rnams dang / dri mchog rnams dang / dri mchog chen po rnams dang / spos kyi ngad ldang rnams dang / spos
14b2 kyi ngad ldang chen po rnams dang / kun tu ngad ldang rnams dang / kun tu ngad ldang chen po rnams dang / mtha' yas ngad ldang rnams dang / mtha' yas ngad ldang chen po rnams dang / lha rdzas kyi 'dab ma rnams dang / klung gi me tog rnams dang / yongs 'du
14b3 sa brtol rnams dang / de lta bu gzhan dag kyang khyer nas/ bcom ldan 'das ga la ba der dong ste/ nyi ma'i gzi byin gyis srin bu me khyer gyi 'od zil gyis mnan pa bzhin du rang rang gi gzi byin gyis thams cad kyi 'od zil gyis mnan te/ zhal zas ma bzhes
14b4 nas phyogs gcig tu 'khod do/ /gzhan yang de'i tshe lha'i dbang po brgya byin sum cu rtsa gsum pa'i lha rnams kyi 'khor dang bcas pas/ mchod pa snga ma de'i nyis 'gyur de'i rkyen du 'tsham pa de na yod pa'i me tog gi sna grangs du ma yid du 'ong ba rnams dang / yid
14b5 du 'ong ba chen po rnams dang / dri bsung zhim po rnams khyer ro/ /khang chen po rdo thal gyi mdog ltar dkar ba/ them skas kyi rim pa dang ldan pa/ skar khung gi phreng ba du ma phug ron shug rtse ba dang ldan pa dag kyang sprul nas/ bcom ldan 'das ga la ba
14b6 der dong ste/ bcom ldan 'das kyi zhabs la mgo bos phyag 'tshal nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das bdag cag ni theg pa chen po'i mdo'i sde tshan srung ba
14b7 lags na/ bdag cag la thugs brtse ba'i slad du bdag cag gis phul ba'i zhal zas bzhes su gsol/ de skad ces gsol kyang zhal zas ma bzhes nas phyogs gcig tu 'khod do// //bam po gnyis pa/
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo