rKTs

e-texts navigator

Volume

Page

149b₁ bcom ldan 'das kyis yang 'jam dpal gzhon nur gyur pa la tshigs su bcad de bka' stsal pa/ thams cad zas la rten pa yin/ /ser sna med pa thams cad g.yo/ /zas kyi nyes pas nad du 'gyur/ /tshangs par spyod dang 'grogs na bde/ /'jam dpal gyis
149b₂ gsol pa/ bcom ldan 'das ci lags/ tsun da'i sbyin pa cher gsol nas zhal zas kyi nyes pas bsnyengs lags sam/ de nas bcom ldan 'das kyis 'jam dpal la 'di skad ces bka' stsal to/ /sems can thams cad kyang zas la rten pa ma yin no/ /ser sna
149b₃ med pa thams cad kyang g.yo ba ma yin no/ /thams cad la yang zas kyi nyes pas nad du 'gyur ba ma yin no/ /chos spyod pa rnams dang 'grogs so cog kyang bde ba ma yin no/ /'jam dpal gang gi tshe khyod nad kyis thebs pa de'i tshe nga yang nad kyis thebs so/ /dgra bcom
149b₄ dang ni rang sangs rgyas/ /byang chub sems dpa' de bzhin gshegs/ /de dag rtag tu zas med de/ /de ni sangs rgyas chos nyid do/ /dgra bcom pa rnams dang / rang sangs rgyas rnams dang / byang chub sems dpa' rnams dang / de bzhin gshegs pa rnams ni zhal
149b₅ zas kyang mi gsol la sbyin pa 'bum phrag mang po yang bzhes par mdzad do/ /sbyin pa blang bar bya ba'i gdams ngag kyang ston par mdzad do/ /sems can rnams sems can dmyal ba dang / /dud 'gro dang / kyi rgya mtsho las nges par bsgral ba'i phyir sbyin pa'i pha rol tu phyin
149b₆ pa bsngags par yang mdzad la gsol bar yang mi mdzad do/ /de bzhin gshegs pa lo drug gi bar du dka' ba spyad pas nyam chung bar gyur to/ /zhes sangs rgyas la sems can thams cad dang 'dra bar blta bar mi bya'o/ /'dod pa'i chu bo las rgal ba de dag ni brtan po yin te dpa'
149b₇ bo de dag ni mi'i yul la spyod pa ma yin no/ /de bzhin du nga'i nyan thos rnams kyi stobs dang spyod yul yang bsam gyis mi khyab po/ /sems can thams cad zas la rten/ /ces bya ba yang lhag ma yod pa'i don yin par shes par bya'o/ /ser sna med pa thams cad g.yo ba yin zhes bya ba

_{iiif viewer powered by OpenSeadragon}

149a - 150a

Texts on this page