rKTs

e-texts navigator

Volume

Page

149a₁ dbang du gyur pa kun mi zad ces bgyi lags sam/ de ni nga rgyal ma mchis pa dang / bsod nams dang ldan pa dang / tshul khrims dang cho ga dang ldan pa dang / dbang po bsrungs pa lags te/ de bas na nga rgyal gyi dbang du gyur pa kun mi zad pa yang ma lags so/ /
149a₂ dga' ba thams cad bzang ba yin/ /zhes bgyi ba de yang lhag pa yod pa'i don lags kyi dga' ba thams cad kyang bzang ba ma lags te/ bstan pa 'di la pham pa byung ba rnams gos tshon can gyi rtags can rnams dang lhan cig 'khod pa bdag nyid kyis rung bar mthong yang sems can dmyal ba
149a₃ rnams su skye bar 'gyur te/ de lta bu dag la bzang zhes bgyis na don dang 'gal bar 'gyur lags so/ /pham pa byed byed pa de dag gos dkar po gyon du 'jug pa de dag ni bzang po'i mchog don rgya chen po bgyis pa lags so/ /pham pa bgyis pa rnams ni mi bzang ba zhes bgyi ste/
149a₄ de dag phung bar bgyid pa de dag ni mi bzang ba zhes bgyi'o/ /de bas na dga' ba thams cad bzang ba ma lags na lha'i yang lha sangs rgyas de bzhin gshegs pas ci las dgongs te/ de skad ces bka' stsal lags/ de nas bcom ldan 'das kyis 'jam dpal gzhon nur gyur pa la
149a₅ 'di skad ces bka' stsal to/ /sangs rgyas ni rgyu med pa'i don dang 'gal bar mi gsung gi rgyu dang bcas rkyen dang bcas par gsung ste/ rgyal po'i khab na khyim bdag ko ta ka'i bu mo rab bzang pha'i khyim du song nas rab tu 'byung ba'i sems skyes te/ de bzhin gshegs pa'i thad du song
149a₆ nas bud med du gyur pa ni gzhan gyi dbang du gyur pa yin la/ skyes par gyur pa ni rang dbang can yin no snyam du bsams nas/ de bzhin gshegs pa dang / chos dang / dge slong gi dge 'dun la skyabs su song ste/ de'i rtog pa thugs su chud nas bcom ldan 'das kyis gzhan
149a₇ gyi dbang gyur thams cad sdug / ces tshigs su bcad pa de skad gsungs so/ /byang chub sems dpa' rnams kyi nang na mi'i khyu mchog 'jam dpal legs so legs so/ /sems can thams cad la phan pa'i phyir dgongs pa'i tshig 'di nga la zhus pa legs so/ /de nas

_{iiif viewer powered by OpenSeadragon}

148b - 149b

Texts on this page