| e-texts navigator |
| བོད་ཡིག |
148b1 skad ces bka' stsal to/ /'dir ni sred pa ma zhes bya/ /gti mug la ni pha zhes bya/ /chos 'di gnyis la gang mchod pa/ /de ni mnar med 'jigs par 'gro/ /de nas bcom ldan 'das kyis yang 'jam dpal gzhon nur gyur pa la tshigs su bcad pa 'di skad
148b2 ces bka' stsal to/ /gzhan gyi dbang gyur thams cad sdug /rang dbang can ni thams cad bde/ /nga rgyal dbang gyur kun mi zad/ /dga' ba thams cad bzang ba yin/ /de nas bcom ldan 'das la 'jam dpal gzhon nur gyur pas 'di skad ces gsol to/ /
148b3 bcom ldan 'das kyis chos kyi sgo de skad du bka' stsal pa ni legs par bka' stsal pa ma lags te/ 'di na khyim bdag la la zhig gis bdag gi bu byis pa'i slob dpon la gtad na ci lags/ khye'u de gzhan gyi dbang du gyur pa zhes mi bgyi lags sam/ de la gzhan gyi
148b4 dbang du gyur pa ma lags so zhes bgyis na yang don dang 'gal bar 'gyur la de la rang dbang can lags so zhes bgyis na yang don dang 'gal bar 'gyur te/ chos 'di ni shin tu brtag dka' ba lags so/ /'di na rgyal po'i bu la la bcos su mi rung bar gyur te/ de ci
148b5 yang slob mi 'tshal nas rang dga' dang rang nyam du 'khyam pa de la rang dbang can zhes bgyis na ni don dang tshabs cher 'gal bar 'gyur la gzhan gyi dbang du gyur to zhes bgyis na ni don dang 'gal bar mi 'gyur te/ chos 'di ni shin tu brtag dka' ba lags so/ /gzhan yang
148b6 dbang du gyur ces bgyi ba'i tshig ni de rang dbang du gyur na sdig pa bgyid pa dang / 'gum par 'gyur bas na/ bka' stsal pa 'di ni lhag ma yod pa'i don lags te/ de bas na gzhan gyi dbang du gyur pa thams cad sdug pa yang ma lags la/ rang dbang can thams
148b7 cad bde ba yang ma lags so/ /nga rgyal dbang gyur kun mi zad/ /ces bgyi ba de yang lhag ma yod pa'i don lags kyi nga rgyal gyi dbang du gyur pa kun mi zad pa yang ma lags te/ 'di na la la zhig nga rgyal gyi dbang gis rab tu byung na ci lags/ rab tu byung ba de la nga rgyal gyi
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo