rKTs

e-texts navigator

Volume

Page

147a₁ ldan pa dang / dbang po thul ba gang yin pa de dag thams cad ni mtho ris su 'gro ba dang / chos kyi spyod yul can yin no zhes bdag bstod pa dang / gzhan smod pa dang / gzhan bshung ba bka' stsal te/ bcom ldan 'das kyis de ltar gzhan dang mi
147a₂ 'thun pa rnams kyang bka' stsal la/ gzhan dag dang mi 'thun pa zhes bgyi ba yang ma lags pa de ci lta bu lags/ de nas bcom ldan 'das kyis 'jam dpal gzhon nur gyur pa la 'di skad ces bka' stsal to/ /rigs kyi bu ngas gzhan gyi mi 'thun brtag mi bya/ /zhes bstan
147a₃ pa de gang las ni brtsams ci'i phyir ni bstan ce na/ ma skyes dgra las brtsams nas bstan pa yin te/ sangs rgyas bcom ldan 'das ni rgyu med par don dang 'gal ba ston par mi mdzad kyi rgyu dang bcas par ston par mdzad de/ sngon ma skyes dgras pha bsad nas nga'i thad du 'ongs nas/
147a₄ 'di ltar brnyas thabs su dri ba dris te ci lags/ bcom ldan 'das thams cad mkhyen pa lags sam/ 'on te thams cad mkhyen pa ma lags/ gal te thams cad mkhyen pa lags na/ ci'i slad du lha sbyin rab tu phyung lags/ de tshe rabs stong phrag mang por phyi bzhin 'brang zhing
147a₅ gnod pa bgyid par gzigs na/ da ltar yang rgol du 'ong bar thams cad mkhyen pa khyod kyis ji ltar ma gzigs zhes zer nas ngas de la 'di skad du/ gzhan dang mi 'thun brtag mi bya/ /zhes bya ba'i tshigs su bcad pa bstan to/ /da ni rgyal po chen po khyod bdag gis pha bsad
147a₆ de mtshams med pa'i las kyi rab dug chen po byas pa de sbyang bar gyis shig / rgyal po gzhan gyi nyes pa la ma rtog par de lta bu khong du chud par gyis shig ces byas so/ /gzhan yang mi 'thun pa brtag par yang bya ste/ tshul khrims dang cho ga la brten pa gang yin pa de dag gi
147a₇ skyon brtag pa lhur blang bar bya ste/ de ni sangs rgyas kyi bstan pa yin no/ /gzhan gyi mi 'thun pa la rtog pa rnams kyis ni bdag dang gzhan dag gi byas pa dang ma byas pa ni/ bdag dang gzhan dag gi yin par shes par bya'o/ /de lta bu'i tshul gyis gzhan gyis byas pa rtag tu

_{iiif viewer powered by OpenSeadragon}

146b - 147b

Texts on this page