rKTs

e-texts navigator

Volume

Page

146a₁ 'di na gling tha dad pa nub kyi ba lang spyod ces bgyi ba mchis te/ de na chu klung gi ming drang por 'bab ces bgyi ba shing mkhan gyi thig skud bzhin du nub phyogs kyi rgya mtsho nas shar phyogs kyi rgya mtshor drang por 'bab pa zhig mchis la/ thams cad ces bgyi ba ni
146a₂ shin tu rgyas pa'i lung las lhag ma yod pa'i don lags par bcom ldan 'das kyis bka' stsal na chu klung drang por 'bab ces bgyi ba de shin tu rgyas pa'i lung gi mdo gang las bshad pa bcom ldan 'das bden pa gsung bas bka' stsal du gsol/ dper na/ nor gyi 'byung khung gi rgyus
146a₃ mkhan 'byung khung la mi mkhas pa zhig gis/ de kho na na gser mchis bzhin du 'di ni gser ma mchis so zhes mchi bas ni gnas kyi phyogs cha'i bye brag tsam nyi tshe shes par bgyi 'tshal lags so/ /nags tshal kun ni shing nyid yin zhes bgyi ba ni lhag ma yod pa'i don lags la/
146a₄ nags tshal ni rnam pa mang du mchis te/ 'di lta ste/ gser dang bai dUr+ya'i nags tshal yang mchis lags so/ /de bzhin du bud med kun la g.yo sgyu yod ces bgyi ba de yang lhag ma yod pa'i don lags te/ bud med la yang tshul khrims dang ldan pa dang / 'dod chags dang bral
146a₅ ba dang / ser sna ma mchis pa du ma mchis lags so/ /dbang phyug thams cad bde ba yin zhes bgyi ba de yang lhag ma yod pa'i don lags te/ dbang phyug ces bgyi ba ni 'khor los sgyur ba'i rgyal po dang / sangs rgyas rnams dbang phyug gi mchog lags mod kyi/ de dag kyang
146a₆ 'chi 'pho'i dbang du 'gyur zhing zad pa'i chos can lags la/ tshangs pa'i dbang phyug 'di dag kyang ltung ba'i chos can lags te/ de bas na de dag ni dbang phyug ma lags zhes bdag mchis lags so/ /rtag pa dang brtan pa'i dbang phyug gang lags pa de ni mya ngan las 'das pa
146a₇ mchog tu bde ba'i dbang phyug lags so/ /bka' stsal pa/ 'jam dpal dper na sman pa zhig gis khyim bdag gi bu zhig gi nad gso bar byed de/ sman mar bskol nas de 'thung du bcug pa na nad pa de mar mang du 'thung bar stsol lo/ /de nas sman pa des de la smras pa/ nyam stobs

_{iiif viewer powered by OpenSeadragon}

145b - 146b

Texts on this page