rKTs

e-texts navigator

Volume

Page

145b₁ 'dod chen pa de lta bu la ni/ thams cad du sbyin pa 'bras bu che ba ma yin no/ /dgra bcom pa rnams la phul ba'i 'bras bu yang tha dad do/ /rang sangs rgyas rnams la phul ba'i 'bras bu yang tha dad do/ /de bzhin gshegs pa rnams la phul ba'i 'bras bu yang tha dad do/ /de bas
145b₂ na thams cad du sbyin pa'i 'bras bu che ba ma yin no/ /gsol pa/ ci'i slad du/ bcom ldan 'das kyis tshigs su bcad pa 'di'i don rnam pa gnyis su bka' stsal lags/ bka' stsal pa/ rgyu las 'gyur te sngon rgyal po'i khab kyi dge bsnyen dad pa med pa gcer bu pa la dga' ba
145b₃ zhig yod pa des/ nga la sbyin pa byas pa cir 'gyur ba dris pa de'i tshe/ de drang ba'i phyir sbyin pa kun tu bsngags pa yin zhes bya ba'i tshigs su bcad pa de de la bstan to/ /de ni byang chub sems dpa' rnams kyi don du tshigs su bcad pa'i don dgongs pa'i tshig tu bstan te/ dus thams
145b₄ cad du tshigs su bcad pa'i don 'dra bar bstan pa ma yin no/ /thams cad ces bya ba ni skabs dang sbyar te tshig gi lhag ma yod par rig par bya'o/ /byang chub sems dpa' mi mchog gis ni/ tshul khrims 'chal ba rnams zhing gi ngo bzhin du tshar gcad par bya'o/ /rigs kyi bu gzhan
145b₅ yang ngas sngon tshigs su bcad pa 'di bstan te/ 'di lta ste/ chu klung chu kun gya gyur 'bab/ /nags tshal kun ni shing nyid yin/ /bud med kun la g.yo sgyu yod/ /dbang phyug thams cad bde ba yin/ /bud med rnams kyi sems ni g.yo sgyu can dang 'jigs su rung ba yin no/ /
145b₆ de bas na 'jam dpal gzhon nur gyur pa stan las langs te/ bcom ldan 'das kyi zhabs la mgo bos phyag 'tshal nas/ bcom ldan 'das la slar tshigs su bcad de gsol pa/ chu kun gya gyur 'bab ma lags/ /nags tshal kun kyang shing ma lags/ /bud med kun la'ang
145b₇ g.yo ma mchis/ /dbang phyug kun kyang bde ma lags/ /de bas na bcom ldan 'das kyis chos kyi sgo de skad du bka' stsal pa de ni legs par bka' stsal pa ma lags te/ 'di la rgyu ci mchis pa bka' stsal 'tshal lags so/ /stong gsum gyi stong chen po'i 'jig rten gyi khams

_{iiif viewer powered by OpenSeadragon}

145a - 146a

Texts on this page