| e-texts navigator |
| བོད་ཡིག |
145a1 med sbrum ma zhig yul 'khrugs nas yul gzhan du song ste/ lha khang zhig gi nang du bu khye'u zhig btsas te/ de bde bar gyur nas khye'u de khyer te/ bdag gi yul zhi bar gyur pa'i 'og tu de logs su chas pa las/ chu klung chen po zhig dang phrad nas/ chu de rgal ba na
145a2 bu dang bcas te chu'i nang du nyam thag par gyur nas/ bdag ni shi yang bla'i/ khye'u 'di thar bar bya'o snyam nas de de'i don du 'bad pa las/ bu dang lhan cig tu shi na sngon mchog tu 'jigs pa'i las byas su zin kyang / bu la byams shing thar par bya'o snyam pa'i 'bras bus mtho ris su
145a3 skyes pa de bzhin du pham pa byed byed pa dang / mtshams med pa byed byed pa las dam pa'i chos 'byin par byed pa de dag ni/ sngon sdig pa'i las byas su zin kyang / dam pa'i chos 'byin pa'i 'bras bus bud med de dang 'dra bar sems can thams cad kyi yon gnas su gyur te/ dam pa'i
145a4 chos 'byin pa'i 'bras bu ni de ltar che'o/ /gsol pa/ bcom ldan 'das 'dod chen par ltung bar gyur pa las/ slad kyis gzhi gsum la 'chags par bgyid cing bzod pa gsol bar bgyid na/ ci lags de la stsal pa yang 'bras bu che bar 'gyur lags sam/ bka' stsal
145a5 pa/ rigs kyi bu de skad ma zer cig /dper na mi la la zhig gis shing tog a mra zos nas/ rus pa sa la bor ba'i 'og tu des 'di snyam du bsams te/ nang gi tshig gu zhim yang dag snyam nas/ des de'i phyi rol gyi rus pa bor te tshig gu zos pa dang / des de'i ro mi zhim par tshor
145a6 nas yang bor ro/ /de nas des kyi hud bdag gis sa bon ngan pa ma rung bar byas so snyam du bsams nas/ sa bon de phyir rus pa'i nang du bcug nas sa brkos pa'i 'og tu bcug ste/ 'o ma dang mar khus blugs la char chen po bab tu zin kyang sa bon ngan pa ma rung bar byas pa skye bar mi
145a7 'gyur te skye mi srid do/ /de nas de sa bon 'di ni ma rung bar byas pa yin te skye bar mi 'gyur ro snyam nas ngal bar gyur te cang mi zer bar 'dug pa de bzhin du/ 'dod chen pa la yang sa bon med de/ 'dod chen pa 'chags shing bzod pa gsol ba'i sems skyed pa ni mi srid do/ /de bas na
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo