rKTs

e-texts navigator

Volume

Page

144a₁ ba 'dir lhag ma mchis pa'i don du ji ltar bshad lags/ tshigs su bcad pa'i don ni gang lags/ tshul khrims dang ldan pa dang / tshul khrims 'chal pa'i bye brag ni ci mchis/ bka' stsal pa/ gcig ma gtogs par sbyin pa ni thams cad du bsngags so/ /
144a₂ gsol pa/ ma gtogs pa gang lags/ bka' stsal pa/ mdo sde 'di las tshul khrims 'chal par brtsi ba gang yin pa'o/ /gsol pa/ bcom ldan 'das bcom ldan 'das la deng bdag 'di kho na zhu lags na myur du bka' stsal du gsol/ bka' stsal pa/ 'dod chen pa ma
144a₃ gtogs par sbyin pa ni thams cad du bsngags pa yin no/ /gsol pa/ 'dod chen pa ji lta bu lags/ bka' stsal pa/ dge slong ngam dge slong ma'am/ dge bsnyen nam/ dge bsnyen ma yang rung ste/ tshig ngan pas mdo sde spangs nas phyis bzod pa gsol bar yang mi byed pa de lta bu
144a₄ gang yin pa de ni 'dod chen pa'i lam du zhugs pa yin no/ /pham pa bzhi byung ba rnams dang / mtshams med pa lnga byed byed pa gang yin pa de dag ni bdag cag 'jigs pa'i gnas su zhugs so snyam du shes kyang 'jigs par mi lta la dam pa'i chos kyi phyogs kyang mi 'dzin/ dam pa'i chos
144a₅ dbyung ngo snyam du 'bad par yang mi byed la/ de nyid kyi bsngags pa ma yin par yang rjod par byed pa de dag kyang 'dod chen pa'i lam du zhugs pa yin no/ /sangs rgyas med do/ /chos med do/ /dge 'dun med do zhes zer ba gang yin pa de dag kyang 'dod chen pa'i lam du zhugs pa yin no zhes
144a₆ nga zer ro/ /'dod chen pa de dag ma gtogs par sbyin pa thams cad du bsngags so/ /gsol pa/ de la tshul khrims 'chal pa zhes bgyi ba gang dag lags/ bka' stsal pa/ pham pa bzhi byed byed pa rnams dang / mtshams med pa lnga byed byed pa rnams dang / mdo sde spong bar byed pa
144a₇ de nyid do/ /gsol pa/ bcom ldan 'das ci lags sam/ de dag rtag tu tshul khrims 'chal pa kho na lags sam/ bka' stsal pa/ 'di la rgyu yod de/ des na ye rtag pa yang yod/ ye mi rtag pa yang yod de/ gang dag gos tshon can gyi rtags can rnams dang / lhan cig tu mi gnas

_{iiif viewer powered by OpenSeadragon}

143b - 144b

Texts on this page