rKTs

e-texts navigator

Volume

Page

143a₁ 'khor gyi bsod snyoms za bar 'os pa yin no/ /cig shos dag ni 'os pa ma yin no/ /ji ltar rjes su yi rang ba 'dis gtol ba de 'jig rten thams cad du bde bar gyur pa'i chos kyi bden pa des ni dam pa'i chos 'dod pa rnams la bgegs med pa dang / gnod pa med
143a₂ par gyur cig / de nas lha dang / lha ma yin dang / mi dang bcas pa'i 'jig rten gyis de bzhin gshegs pa rtag par khong du chud nas rab tu dga' ba'i sems dang / dge ba'i sems dang / sgrib pa dang bral ba'i sems dang / gzhol ba med pa'i sems dang / pad ma kha bye ba lta
143a₃ bu'i bzhin dang ldan par gyur nas lha'i mchod pa chen po'i las byas te/ me tog dang / phye ma dang / bdug pa dang / spos kyis bsgo ba la sogs pa gtor to/ /sil snyan la sogs pa yang dkrol to/ /de nas bcom ldan 'das kyis byang chub sems dpa' sems dpa' chen po
143a₄ 'od srung chen po dang rus gcig pa la bka' stsal pa/ rigs kyi bu khyod kyis deng 'dir ngo mtshar rmad du byung ba ci mthong / gsol pa/ bcom ldan 'das bdag gis sngon lan 'ga' yang ma mthong ba'i ngo mtshar rmad du byung ba mthong ste/ 'khor re res phul ba'i zhal zas de bzhin gshegs
143a₅ pa re re dge slong gi dge 'dun dang bcas pas gsol ba mthong ba lags so/ /'khor 'di na snyung bu'i rtse mo tsam gyis khyon dag la yang ji ltar bshams pa'i gdan dag la de bzhin gshegs pa sku chen po du ma bde bar bzhugs te rjes su yi rang ba bcu gsum gyi tshigs su bcad pa dag ston cing
143a₆ bzhugs pa mthong lags so/ /sems can thams cad kyis ni sgyu 'phrul 'di ma 'tshal te/ bcom ldan 'das ni bdag gis phul ba'i zhal zas gsol zhing bzhugs so snyam du 'dzin lags so/ /mi mchog byang chub sems dpa' sems dpa' chen po 'jam dpal gzhon nur gyur pa
143a₇ la sogs pas ni/ tsun das de ltar 'bras sA lu yul ma ga d+hA'i na li ka brgyad las zhal zas sbyar ba yang rdul tsam yang dge slong gi dge 'dun gyis mi gsol ba dang / de bzhin gshegs pa zhal zas mi gsol ba'i ya mtshan rmad du byung ba 'di yang dag par 'tshal te/ 'di ni thabs

_{iiif viewer powered by OpenSeadragon}

142b - 143b

Texts on this page