| e-texts navigator |
| བོད་ཡིག |
141b1 rnams kyis gdugs tshod la bab par shes nas spyod lam bzang por byas te lhung bzed lag tu blangs nas sdod do/ /de nas mgar ba'i bu tsun das seng ge'i khri sna tshogs tshig tu bzlas su yang mi nus pa 'jig rten gyi khams bde ba can gyi rkyen du rung ba lta bu dag kyang bshams/ zhal
141b2 zas kyang sta gon byas nas bcom ldan 'das la 'di skad ces gsol to/ /de bzhin gshegs pa bskal pa'am/ bskal pa las lhag par yang yun ring du bzhugs su gsol/ bcom ldan 'das kyis bka' stsal pa/ tsun da gal te nga yun ring du 'dug par 'dod na sbyin pa'i pha rol
141b3 tu phyin pa tha ma'i dus la bab kyis myur du phul cig / de nas lha dang mi thams cad dang / byang chub sems dpa' rnams kyis 'di skad ces smras so/ /kye ma tsun da skyid de nga 'dis phul ba'i zhal zas de bzhin gshegs pas gsol bar chad pa lta/ bdag cag ni dpal yon med de/
141b4 bdag cag gis zhal zas sta gon byas pa ni don med par gyur to/ /de nas bcom ldan 'das kyis nyid kyi ba spu'i khung bu thams cad nas ba spu re re'i khung bu nas kyang sangs rgyas re re mngon du sprul nas der 'khor re re'i nang du yang de bzhin gshegs pa re re'i dge slong gi dge 'dun dang bcas
141b5 pa thams cad bshos gsol ba lta bur bstan to/ /de bzhin gshegs pa nyid ni tsun das phul ba'i zhal zas gsol lo/ /tsun das 'bras sA lu yul ma ga d+hA'i na li ta brgyad las zhal zas sbyar ba yang de bzhin gshegs pa'i mthus dge slong gi dge 'dun thams cad zhal zas kyis
141b6 khyed par mdzad do/ /de nas tsun da yang dga' bar gyur te/ bdag gi sbyin pa de bzhin gshegs pa dge slong gi dge 'dun dang bcas pas gsol nas yongs su mya ngan las 'das par mdzad do snyam mo/ /'khor de dag thams cad 'di snyam du sems te/ bdag cag gis phul ba'i
141b7 zhal zas de bzhin gshegs pas bzhes kyi tsun da'i ma bzhes so/ /bdag cag gis phul ba'i zhal zas gsol nas de bzhin gshegs pa yongs su mya ngan las 'da' bar mdzad do snyam ste mchog tu dga' bar gyur to/ /'khor chen po de na de bzhin gshegs pa rnams bshos gsol zhing
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo