rKTs

e-texts navigator

Volume

Page

140b₁ bka' stsal pa/ gzhi gsum mi shes pa gang yin pa de dag ni sems can ma rungs pa 'jigs su rung ba/ lce dang / rkan dang / lkog ma tshig par 'gyur ro/ /dper na mi dang dud 'gro'i lce tshig pa rnams kyis ro drug ste/ mngar ba dang / skyur ba dang / lan tshwa'i ro dang / tsha ba
140b₂ dang / kha ba dang / bska ba rnams za ba na ro'i bye brag mi phyed pa de bzhin du sems can mi shes pa/ lce dang / rkan dang / lkog ma tshig pa ma rungs pa 'jigs su rung ba/ gzhi gsum rtag par mi shes pa gang yin pa de dag ni/ lce dang / rkan dang / lkog ma tshig pa zhes bya'o/ /
140b₃ rigs kyi bu gzhan yang de bzhin gshegs pa rtag par mi shes pa gang yin pa de dag ni dmus long gi mchog yin no zhes nga zer ro/ /de bzhin gshegs pa rtag par shes pa gang yin pa de dag ni sha'i mig dang ldan pa yin du zin kyang lha'i mig dang ldan pa yin no zhes nga zer ro/ /rigs
140b₄ kyi bu gzhan yang mdo sde 'di thos nas de bzhin gshegs pa rtag par shes shing khong du chud pa gang yin pa de dag ni lha'i mig dang ldan pa yin no zhes nga zer ro/ /lha'i mig dang ldan pa yin du zin kyang de bzhin gshegs pa rtag par mi shes pa gang yin pa de dag ni sha'i mig dang ldan pa yin
140b₅ no zhes nga zer ro/ /de dag ni da dung bskal pa bye ba mang por yang bdag gi mgo mjug ci 'dra ba yang mthong ba'am bstan par mi nus te/ de bas na de dag ni de bzhin gshegs pa rtag par bsgom pa dang bral ba'i phyir sha'i mig dang ldan pa zhes nga zer ro/ /rigs kyi bu gzhan yang de
140b₆ bzhin gshegs pa dgra bcom pa yang dag par rdzogs pa'i sangs rgyas ni 'jig rten thams cad kyi pha ma lta bu yin no/ /ci'i phyir zhe na/ sems can rkang gnyis dang / rkang thams cad la rang rang gi yul bzhin du chos ston cing tshig gcig gis sems can thams cad kyis rang rang gi
140b₇ yul bzhin du shes par 'gyur te/ kye ma bdag cag gi rang bzhin dang 'du shes rnams rtogs par bya ba'i phyir chos ston to snyam du 'dzin to/ /rigs kyi bu gzhan yang dper na khyim bdag gam tshong dpon yang rung ste/ rang gi bu zla ba bcu drug lon pa dang lhan cig tu lkugs pa bzhin du smra bar byed de/

_{iiif viewer powered by OpenSeadragon}

140a - 141a

Texts on this page