| e-texts navigator |
| བོད་ཡིག |
140a1 dpa' kha cig dam pa'i chos dbyung ba'i phyir yun ring por smon lam 'debs pa yang yod kha cig ni myur bar smon lam 'debs pa yang yod de/ nga ni de'i smon lam gyi dbang gis na ches myur bar sangs rgyas kyi gnas mchog tu lung ston par byed do/ /rigs kyi bu gzhan yang
140a2 mnyen pa chen po la la zhig gdol pa'i grong khyer du song ste rin po che rin thang med pa 'tshong ba las gdol pa bye brag mi phyed pa de dag gis rin po che de mthong na 'phyas 'dogs shing 'thing slad byed de/ mnyen pas rin che ba yin no zhes byas kyang de dag gi brda mi phrad nas 'di ni shel yin no zhes de
140a3 skad zer ro/ /rigs kyi bu de bzhin du ngas kyang nyan thos rnams gal te sangs rgyas kyi gnas su myur du sangs rgyas su lung bstan pas lung bstan du zin kyang nor bu dkon pa 'tshong ba'i mnyen pa bzhin du 'gyur ro/ /gdol pa rnams lta bu ni ma 'ongs pa'i dus na dge sbyong blun po/ g.yel ba/
140a4 dge ba'i rtsa ba spangs pa/ 'tsho bas phongs pa/ bkres shing skom pas gzir ba/ mu ges mnar ba/ rang gi lus tsam gso bar byed pa/ 'tsho ba don du gnyer ba/ mi brtan pa rnams 'byung bar 'gyur ba de dag yin te/ de dag gis nga'i nyan thos lung bstan pa thos na 'phyas 'dogs shing gshe
140a5 bar 'gyur la brda mi phrad nas tshul khrims 'chal pa yin no zhes bla bar byed do/ /nga'i nyan thos de dag ni dge sbyong ma yin te gdol pa rnams dang mnyen pa ji lta ba bzhin no/ /rigs kyi bu de bas na nga ni sems can myur ba'i smon lam can rnams ni sangs rgyas su lung ston par byed do/ /dam pa'i
140a6 chos dbyung ba'i sbyor ba can de dag ni ji ltar 'dod pa bzhin du yun ring po zhig gis sangs rgyas kyi gnas su lung ston par byed do/ /gsol pa/ ji ltar na byang chub sems dpa' sems dpa' chen po rnams g.yog 'khor mi phyed pa dang ldan par 'gyur lags/ bka' stsal pa/ byang chub
140a7 sems dpa' mi mchog rnams ni dam pa'i chos dbyung bar bya'o snyam du de'i sbyor ba brtan por byas na g.yog 'khor mi phyed pa dang ldan par 'gyur ro/ /gsol pa/ sems can ma rungs pa 'jigs su rung ba/ lce dang / rkan dang / lkog ma tshig pa rnams ci las 'gyur lags/
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo