| e-texts navigator |
| བོད་ཡིག |
13b1 sogs pa gling bzhi na gnas pa'i drang srong mngon par shes pa lnga dang ldan pa/ theg pa chen po 'dod pa sha stag la/ gang gA'i klung dkrigs kyi bye ma snyed rang rang gi rdzu 'phrul gyi stobs kyis yam sreg shing dang / zhal zas dag khyer nas/ bcom ldan
13b2 'das la phyag 'tshal te/ phyogs gcig tu 'khod do/ /gzhan yang de'i tshe 'od srung chen po la sogs pa dge slong gi dge 'dun kha cig dang / gnas brtan kun dga' bo la sogs pa ma gtogs par yul phyogs na gnas pa'i dge slong dang / dge slong ma
13b3 ji snyed yod pa de dag thams cad kyang ma lus par der lhags so/ /gzhan yang de'i tshe ri rab la sogs pa ri chen po rnams dang / 'jig rten gyi bar mtshams kyi ri gang gA'i klung grangs med pa'i bye ma snyed kyang shing ljon pa dang / 'khri shing mang po nyi tshan gyi grib
13b4 ma byed pa dang / brag zang yag grib ma che ba dang / brag kha nas 'bab pa'i chus gang ba dang / sman gshong rdo gu dang / rtsa ba dang / 'bras bus gang ba dag kyang der lhags so/ /lha'i bu mthu bo che'i 'dun ma chen po dag kyang ri rab dang bcas te mchod pa'i
13b5 phyir lhags nas/ bcom ldan 'das la phyag 'tshal te phyogs gcig tu 'khod do/ /gzhan yang de'i tshe lha'i bu mthu bo che 'od chen po rgya mtsho chen po bzhi'i nang na gnas pa dang / chu klung chen po dag gi nang na gnas pa gang gA'i klung grangs med pa'i bye ma snyed mchod pa snga ma
13b6 bas ches nyis 'gyur gyis mdzes pa'i mchod pa sngon du btang nas/ nyi ma'i 'od kyis mar me'i 'od zil gyis mnan pa bzhin du rang rang gi 'od kyis nyi ma'i 'od zil gyis mnan te/ nyi ma 'char ka'i 'od kyis shing mya ngan 'tshang gi lo ma thams cad dmar lam mer
13b7 snang bar byed pa/ de bzhin du rang rang gi 'od kyis chu klung gser ldan gyi chu dmar lam mer snang bar byas nas/ bcom ldan 'das la phyag 'tshal te/ phyogs gcig tu 'khod do/ /gzhan yang de'i tshe grong khyer ku shi nas shing sA la zung gi drung gi bar skabs kyi bar
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo