| e-texts navigator |
| བོད་ཡིག |
13a1 bye ma snyed theg pa chen po 'dod pa sha stag gis ston pa yongs su mya ngan las 'da' ba'i phyir gangs kyi sman dang / pad+ma'i rtsa ba dang / sdong bu shing rta chen po'i 'phang lo tsam sha stag dang / dgon pa chen po dag nas pad+ma dang / ud pa la dang / ku
13a2 mu da dang / pad+ma dkar po dang / rtsa ba dang / 'bras bu dang / rdo gu tha dad pa du ma dag sna'i thor tos phyung zhing phyung zhing khyer te/ rlung gi shugs pas kyang ches mgyogs pa dang / shin tu rings par dbyar gyi 'brug sgra bzhin du sgrogs shing lhags nas/ pad+ma'i
13a3 'dab ma bcer ba'i seng ge'i khri'i lda ldi dag bshams te/ bcom ldan 'das la mchod pa byas nas/ zhal zas ma bzhes nas re thag chad de phyogs gcig tu 'khod do/ /gzhan yang de'i tshe seng ge seng ge'i sgra sgrogs pa zhes bya ba la sogs pa seng ge gang gA'i klung
13a4 sum cu'i bye ma snyed sems can thams cad la mi 'jigs pa sbyin pa sha stag gis/ seng ge'i rtsal chen pos spos kyi glang po che rnams dang 'dra bar me tog dang 'bras bu rnams khyer te/ rings par lhags nas phyogs gcig tu 'khod do/ /gzhan yang de'i tshe bya
13a5 ngang pa dang / khrung khrung dang / ngur pa dang / ka dam pa dang / zal mo dang / bzhad dang / khu byug dang / ba li ka dang / ka la ping ka dang / shang shang te'u la sogs pas kyang spos kyi glang po che rnams dang 'dra bar me tog dang 'bras bu khyer te/ rang rang
13a6 gi skad phyung nas phyogs gcig tu 'khod do/ /gzhan yang de'i tshe sa'i steng na ba dang / ma he mo dang / ra ma mo yod do cog gis kyang nu ma 'o mas bkang ste/ shin tu rings par lhags nas/ shing sA la zung gi drung nas phyogs gshong zhig mthong nas/ der rang
13a7 rang gi nu ma 'o mas gang ba de dag las 'o ma gseg ma dang / bye ma dang / ba tshas ma 'bags shing tsha ba'i skyon du 'gyur ba med pa dag gzags te/ 'o ma de dag gi nang nas sbrang bu dag bsal nas phyogs gcig tu 'khod do/ /gzhan yang de'i tshe drang srong bzod par smra ba la
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo