| e-texts navigator |
| བོད་ཡིག |
139b1 pa kho nar gda' lags so/ /bka' stsal pa/ ji ltar snang gsol pa/ nyan thos dang / rang sangs rgyas dang / byang chub sems dpa' rnams kyang yongs su mya ngan las 'das pa chen pos yongs su mya ngan 'das par 'gyur te/ chu klung rnams rgya mtshor 'bab
139b2 pa bzhin du de dag gi gnas kyang de lags so/ /de bas na de dag kyang rtag pa zhes bgyi'o/ /bka' stsal pa/ de dag ni nga'i mchog tu rtag pa yin no/ /gsol pa/ bcom ldan 'das khams tha dad pa ma mchis pa dang tha dad pa ji lta bu lags/ bka' stsal
139b3 pa/ tha dad do/ /gsol pa/ ji lta bu lags/ bka' stsal pa/ dper na ba'i 'o ma ni mchog tu mngar ba yin te khams de dang 'dra'o/ /nyan thos rnams dang / rang sangs rgyas rnams kyi khams ni zho dang 'dra'o/ /byang chub sems dpa' rnams kyi khams ni
139b4 mar dang 'dra'o/ /sangs rgyas rnams kyi khams ni mar gyi snying khu dang 'dra ste/ de ltar yongs su mya ngan las 'das pa chen po las gdams ngag ston pa'i de bzhin gshegs pas rnam pa bzhir bstan to/ /gsol pa/ sems can thams cad kyi khams ji lta bu lags/
139b5 bka' stsal pa/ ba be'u 'brangs ma thag pa'i 'o ma khrag dang 'dres pa bzhin du nyon mongs pa'i khrag dang 'dres pa'i khams des de bzhin gshegs pa'i khams mar gyi snying khu dang 'dra ba khyab par 'dug go/ /gsol pa/ bcom ldan 'das kyis ku shi'i grong khyer 'di na gnas
139b6 pa'i gdol pa 'jig rten gyi khams 'dir sangs rgyas stong dang lhan cig tu de dag gi nang du de bzhin gshegs pa gcig tu gyur te de bzhin gshegs pa rab tu dga' ba zhes bya bar 'gyur te/ sems bskyed pa gcig kho nas dus 'di srid cig na myur du sangs rgyas su 'gyur ro zhes
139b7 sangs rgyas su lung bstan pas lung bstan lags na/ ci'i slad du shA ri'i bu dang / maud gal gyi bu gnyis ches myur du sangs rgyas su 'gyur bas sangs rgyas su lung bstan pas lung ma bstan lags/ bka' stsal pa/ nyan thos dang / rang sangs rgyas dang / byang chub sems
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo