| e-texts navigator |
| བོད་ཡིག |
139a1 dag gis kyang de bzhin gshegs pa'i snying po'i mdo sde thos nas nyon mongs pa'i rnam pa zad par byas te sangs rgyas kyi khams rtogs par 'gyur ro/ /gsol pa/ bcom ldan 'das ci lags/ sems can thams cad dang de bzhin gshegs pa rnams tha dad pa
139a2 ma mchis lags sam/ gal te de bzhin gshegs pa bstan pa de ltar ston par gyur na 'di la skyon chen po mchis te/ da de'i gtan tshigs bka' stsal du 'tshal lags so/ /sems can thams cad dang rang sangs rgyas rnams lta zhog lags kyi/ de ltar na shA ri'i bu dang
139a3 maud gal gyi bu gnyis ci'i slad du nyan thos kyi yongs su mya ngan las 'da' bas yongs su mya ngan las 'da' bar bgyid lags/ rang sangs rgyas rnams kyang ci'i slad du rang sangs rgyas rnams kyi yongs su mya ngan las 'da' bas yongs su mya ngan las 'da' bar bgyid lags/ byang
139a4 chub sems dpa' rnams kyang ci'i slad du byang chub sems dpa'i yongs su mya ngan las 'das pa chen pos yongs su mya ngan las 'da' bar bgyid lags/ bka' stsal pa/ sangs rgyas rnams kyi yongs su mya ngan las 'das pa chen po ni nyan thos dang / rang sangs rgyas dang / byang
139a5 chub sems dpa' rnams kyi ma yin te/ yongs su mya ngan las 'das pa chen po 'di la ni sangs rgyas rnams ma gtogs par gzhan dag gi gnas med do/ /gsol pa/ ji lta bu lags/ bka' stsal pa/ de bzhin gshegs pa ni bskal pa bye ba phrag grangs med pa mang po
139a6 zhig na de bzhin gshegs pa 'byung ba ston par mdzad na/ de bzhin gshegs pa dang / nyan thos dang / rang sangs rgyas dang byang chub sems dpa' rnams la khyad par ci yod ce na/ rigs kyi bu de bzhin gshegs pa'i mya ngan las 'das pa gsang ba la dgra bcom pa rnams kyi
139a7 gnas med do zhes ngas bstan te de ni gnas med pa yin no/ /de bas na yongs su mya ngan las 'das pa chen po'i mdo chen po 'di'i tshul gyis yongs su mya ngan las 'das pa chen po la gnas med do/ /de bas na yongs su mya ngan las 'das pa chen po zhes bya'o/ /gsol pa/ tha dad
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo