rKTs

e-texts navigator

Volume

Page

138b₁ sems can thams cad kyis bde blag tu rtogs par bgyi ba'i slad du bcom ldan 'das kyis gsal zhing zur phyin par bka' stsal du gsol/ bcom ldan 'das kyis bka' stsal pa/ rigs kyi bu dper na khyim bdag gam khyim bdag gi bu zhig la ba lang gi lhas mang po yod
138b₂ de/ ba lang spu ga tha dad pa dag bdog la de'i nang na ba sngon mo dag kyang yod de/ ba de dag ba rdzi gcig 'tshor bcug go/ /de nas khyim bdag des lan cig gcig na rang gi lha mchod pa'i phyir ba lang gi lhas rnams gcig tu bsdus nas 'o ma 'jor bcug go/ /de nas
138b₃ 'o ma de dag dung gi mdog bzhin du dkar por 'dug pa mthong nas ngo mtshar du bzung ste bsams pa/ 'di na ba 'di dag spu kha tha dad par 'dug na/ ba sngon mo 'di rnams kyi 'o ma yang sngon por mi 'dug la/ ba dkar mo rnams kyi yang de dang 'dra ste/ dung gi mdog ltar 'dug
138b₄ go snyam mo/ /de nas phyis des rtogs te sems can rnams kyi las kyi rnam par smin pa'i rgyu las gyur pa yin par blta bar bya'o snyam mo/ /rigs kyi bu de bzhin du nyan thos dang / rang sangs rgyas dang / de bzhin gshegs pa thams cad kyi rang bzhin yang 'o ma dang 'dra'o/ /
138b₅ ci'i phyir zhe na/ de dag ni zag pa zad pa'i phyir ro/ /sems can thams cad kyis ni nyan thos dang / rang sangs rgyas dang / de bzhin gshegs pa thams cad kyi rang bzhin tha dad pa dang / dbyibs tha dad par 'dzin mod kyi/ de dag gis kyang khyim bdag bzhin du mthar gyis shes
138b₆ par 'gyur ro/ /rigs kyi bu dper na gser khung ngam/ zangs kyi khung nas rdo dang gseg ma med pa'i gser gyi rang bzhin rin thang med par 'byung ba de bzhin du/ nyan thos dang / rang sangs rgyas dang / de bzhin gshegs pa thams cad kyang gser dang 'dra bar rin thang dang rang
138b₇ bzhin gcig go/ /ci'i phyir zhe na/ rdo dang gseg ma lta bu'i nyon mongs pa dang bral ba'i phyir te/ de bas na sangs rgyas kyi ye shes 'di la ni dbyer med do/ /sems can thams cad la sangs rgyas kyi khams yod pa yang de dang 'dra ste/ khyim bdag gis 'o ma ji lta ba bzhin du de

_{iiif viewer powered by OpenSeadragon}

138a - 139a

Texts on this page