rKTs

e-texts navigator

Volume

Page

138a₁ la bzhugs lags so/ /mngon par phye lags so/ /brda mjal bar bgyis lags so/ /bka' stsal pa/ rigs kyi bu legs so legs so/ /'jig rten dang 'thun par byed pas ni de ltar blta bar bya'o/ /gsol pa/ bcom ldan 'das 'jig rten
138a₂ dang 'thun pa ma lags so/ /bka' stsal pa/ rigs kyi bu legs so legs so/ /de ltar bung ba shing gi me tog za ba bzhin du zab mo'i chos kyi zas bza' bar bya'o/ /rigs kyi bu gzhan yang dper na sbrang bu'i gcin nyung shas kyis sa chen po ngoms par mi 'gyur ba de
138a₃ bzhin du sbrang bu'i gcin dang 'dra bar ma 'ongs pa'i dus na mdo sde chen po 'di 'jig rten du chung shas tsam zhig spyod par 'gyur te/ dam pa'i chos 'jig pa'i tha mar sbrang bu'i gcin sa chen po la song ba bzhin du zad par 'gyur ro/ /'di ni dam pa'i chos nub pa'i ltas bdun pa ste/
138a₄ ltas gzhan yang yod par mkhas pas shes par bya'o/ /rigs kyi bu gzhan yang dper na dbyar zad pa'i mjug dgun gyi zla ba dang po ni ston zhes bya ste/ ston gyi dus la bab pa na ma smin pa smin par bya ba'i phyir sprin rnams kyis char phab nas myur ba myur bar 'gyes pa de bzhin du/ mdo
138a₅ chen po 'di yang ston gyi sprin gyis char bab nas myur du 'gyes pa de bzhin du lho phyogs su song nas yongs su mya ngan las 'das pa chen po'i dgongs pa'i tshig thams cad kyi chos kyi char 'bebs so/ /de nas lho phyogs kyi byang chub sems dpa' sems dpa' chen po rnams kyis dam pa'i chos
138a₆ 'jig par shes nas dgun gyi dus dang nye bar gyur pa'i sprin bzhin du kha che yul du song nas sa la nub par gyur te/ theg pa chen po'i mdo sde shin tu rgyas pa bdud rtsi'i mchog gi dam pa'i chos thams cad nub par 'gyur ro/ /da ltar ni de bzhin gshegs pas mkhyen pa'i mdo sde 'di
138a₇ lag tu 'ongs mod kyi dam pa'i chos nub par 'gyur ro snyam du byang chub sems dpa' sems dpa' chen po mi mchog rnams kyis shes par bya'o/ /gsol pa/ de bzhin gshegs pa dang / rang sangs rgyas dang / nyan thos dang / byang chub sems dpa'i khams tha dad pa ma mchis pa

_{iiif viewer powered by OpenSeadragon}

137b - 138b

Texts on this page