| e-texts navigator |
| བོད་ཡིག |
137b1 yang dper na rgya mtsho chen po ni sprin chen po'i char 'bab pa'i chu dang / chu klung rnams kyi chu der 'bab kyang ngoms pa med pa bzhin du bud med rnams kyang 'dod pas ngoms pa med do/ /rigs kyi bu gzhan yang dper na me tog gi shing mya ngan 'tshang dang dong ka'i shing dang / pa Ta
137b2 la sogs pa me tog rgyas pa na bung ba rnams me tog gi khu bas ngoms par mi 'gyur te/ bung ba rnams kyis mkhas pa dang / cha phra ba dang / zab mor me tog gi khu ba 'thung bar byed pa de bzhin du bud med rnams kyis kyang skyes pa rnams kyi nor dang / 'dod pa dang / khu ba
137b3 rnams 'thung bar byed de/ bung ba bzhin du ngoms par mi 'gyur ro/ /rigs kyi bu de bas na yongs su mya ngan las 'das pa chen po 'di thos nas bud med kyi rang bzhin la ma chags pa'i sems bskyed par bya ste/ skyes pa'i rang bzhin du 'gyur bar sems bskyed par bya'o/ /ci'i
137b4 phyir zhe na/ mdo 'di ni skyes pa'i rang bzhin de bzhin gshegs pa'i snying po yang dag par ston pa'i phyir ro/ /skyes pa'i rang bzhin ni mi zhes bya'o/ /de bzhin gshegs pa'i rang bzhin ni skyes pa'o/ /'jig rten na skyes pa yod pa gang yin pa de dag kyang bdag nyid la de bzhin
137b5 gshegs pa'i snying po yod par mi shes pa'i phyir skyes pa'i rang bzhin ma yin no/ /de bzhin gshegs pa'i snying po mi shes pa gang yin pa de dag ni bud med yin no zhes nga zer ro/ /de bzhin gshegs pa'i snying po bdag la yod do snyam du yang dag par shes pa gang yin pa de dag ni
137b6 skyes pa'i mchog tu gtogs te/ bud med yin du zin kyang skyes pa'i mchog tu gtogs so/ /de ltar na yongs su mya ngan las 'das pa chen po'i mdo chen po 'di ni de bzhin gshegs pa'i snying po ston pa'i phyir dpag tu med pa yin no/ /rigs kyi bu'am rigs kyi bu mo mdo
137b7 sde'i gnas 'di myur du rtogs par 'dod pas ni de bzhin gshegs pa'i snying po la brtson par bya'o/ /gsol pa/ bcom ldan 'das de ni lags so/ /bcom ldan 'das de ni de lags te/ bdag kyang deng du de bzhin gshegs pa'i snying po bsgom pa'i slad du skyes pa'i rang bzhin
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo