| e-texts navigator |
| བོད་ཡིག |
137a1 klog mi shes pa dang / chos smra ba ngan pa dang / yi ge ngan pa'i nyes pa dang / chos la mi gnas pa dang / bla ma la sri zhu mi byed pa dang / mi ngan pas khyad du bsad pa dang / tshas nyes pa dang / yun rings pa dang / lag brgyud pa'i nyes pas
137a2 tshig don phyed phyed tsam du gyur pa spyod cing mdo sde'i lhag ma chung shas tsam zhig ldus par zad do/ /bar long ma las nying dor nyos pa'i 'o mas zas kyi mchog btsos pa ro med par gyur kyang zas kyi mchog de ni ro bro ba thams cad kyi dam pa yin pa de bzhin du mdo sde chen po 'di yang de
137a3 ltar lhag ma cung zad cig lus par zad mod kyi/ nyan thos kyi theg pa'i mdo sde thams cad pas stong 'gyur gyis gtso bor gyur pa yin no/ /de ci'i phyir zhe na/ mdo sde dang ting nge 'dzin thams cad ni yongs su mya ngan las 'das pa'i mthu yin pas na de'i phyir yongs su mya ngan las
137a4 'das pa chen po mchog ces bya ste ming che ba yin no/ /rigs kyi bu gzhan yang rigs kyi bu'am/ rigs kyi bu mos skyes pa'i rang bzhin du 'gyur bar bsgom par bya'o/ /ci'i phyir zhe na/ bud med kyi rang bzhin ni chos ma yin pa thams cad kyi rgyu'i sgo nas 'byung khung yin te/
137a5 dper bya na sbrang bu'i gcin gyis ni nams kyang sa chen po rlan par yang mi 'gyur/ ngoms par yang mi 'gyur ba de bzhin du bud med rnams kyang nams kyang 'dod pas ngoms par mi 'gyur te/ bud med ni gal te sa chen po rgya shug gi rus pa tsam mam/ yungs 'bru tsam gyi ri lur
137a6 byas pa de la ri lu ji snyed yod pa de snyed kyi skyes pa dang lhan cig tu 'dod pas zhen par bsten du zin kyang sbrang bu'i gcin gyis sa rlan zhing ngoms par mi 'gyur ba bzhin du bud med rnams 'dod pas ngoms par mi 'gyur ro/ /rigs kyi bu gzhan yang bud med ji ltar mi bzang ba nyon cig /bud
137a7 med ni gal te skyes pa gang gA'i klung gi bye ma snyed dam/ gtams snyed dam/ dkrigs snyed dang lhan cig tu 'dod pa zhen par bsten du zin kyang sbrang bu'i gcin gyis sa rlan zhing ngoms par mi 'gyur ba bzhin du bud med rnams kyang 'dod pas ngoms par mi 'gyur ro/ /rigs kyi bu gzhan
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo